Guwahati, December 11 (Agencies): Centre-i Assam nung lisopur masüba kin troki ST jenjang meshiba menua magütsüba ajanga Assam election nung BJP jenjang mejungi akümtsü akok. State election atongtsü ita trok dang lia kin trok nungi lenirtemi BJP anema inyaktsü tenzükogo. Parnok kin trok ya tang OBC jenjang nung enokja lir. Item kin trokji; Tai Ahoms, […]
Varanasi, December 11 (Agencies): India aser Japan linük na küm noklang aika tesentaktep nung ano mera tasen ka agia Ato kilonser, Narendra Modi aser Japan Ato kilonser, Shinzo Abe nati asüng (Honibar) akhi mapang tekülem ki semdangtsü, ta osang ka ajanga ashi. Yaküm August ita nung Ato kilonser Narendra Modi-i Japan semdangba mapang Kyoto (Japan) […]
New Delhi, December 11 (Agencies): Hokolbar nüa Rajya Sabha nung Congress züngsemtemi lungkak aita yimyim ayimba den külemi, Ato kilonser Narendra Modi ya kijai tashi ambangyima amshir ka lir, ta ashi. National Herald ken o nung Congress züngsemtemi senden nung Mendenbuba alidak anasai oa tanen makai yimyim ayimba ajanga nikongdang 2:30 ako tashi senden thinena […]
Siwan (Bihar), December 11 (Agencies): Küm 11 tejaklen Bihar, Siwan district nung adianu ana dak ‘acid’ shiloktsür tepsetba ken o nung tanü district court kati taoba mapang RJD MP, Mohammad Shahabuddin den tangar nisung asem akumli piyong tepouktak ayutsü obendang agütsüogo. Additional District Judge, Ajay Kumar Srivastava-i 2004 küm atalokba ken o nung Shahabuddin aser […]
December 11, 2015: Küm 13 tejen ken o nung Salman Khan metentsüba sülen pa nüktzü aluba nisung aikati nguogo. Pa den külemi iba ken o nung obendang agütsüba TV nung kanga tenoka aser bendanga agüja repranger, Malvani slum colony nung alir, Firoz Shaikh-a temulung raksaa ajeb. Aji oda süaka pa nüktzü aluba tangoktsü asoshi pa […]
Lucknow, Dec. 11 (Agencies): Uttar Pradesh nung mepet tzüsü ajanga gari lenmang nung lendong ana ataloka nisung teku süogo aser nisung 12 dak tema yiruogo, ta Hokolbar nü police-i ashi. Tempo gari ka nung temeshi aini aortem Chitrakoot-i aoba mapang Mandakini ayong apu ka nung parnok amenba gariji bus ka den tsüktep, aser iba lendong […]
Chennai, Dec 10 (Agencies): Tawa Tamil Nadu nung tzümetsüng lendong atalokba ya lendong tulu, ta Centre-i sangdongogo, ta Brihostibar nü Tamil Nadu Chief minister, J Jayalalithaa-i metetdaktsü. MP tem dang state tanaben asüngsashiba maparen aser teyari maparen atema Members of Parliament Local Area Development Scheme (MPLADS) nungi sen crore 1 tashi agütsütettsü ta metetdaktsüogo, ta […]
Jaipur, December 10 (Agencies): State nung Anti-Terrorist Squad (ATS)-i linük nung nokdanger aliba kiralongrar telok, ISIS atema inyaker, ta tai tonglokja arishi küm 30 tain, Mohammed Sirazudin Jaipur yimti, Jawahar Nagar tesem nungi Bodhbar nü puogo. Iba nisungba ya yimti nung aliba Indian Oil Corporation (IOC) nung marketing manager inyaka liasü aser pai social networking […]
New Delhi, December 10 (Agencies): Maruti Suzuki-i, parnoki yangluba garitem nung January 1, 2016 nü nungi sen 20,000 tashi atutsü, ta Brishostibarnü metetdaktsüogo. Company nung otongdar kati ashiba agi, alima nung India sen jenjang ajema akümba ajanga sen atutsüsa küma iba telemtetba agi, ta metetdaktsü. “Dollar dang nungi India indang sen jenjang kanga agi tajemba […]
New Delhi, December 10 (Agencies): Brihostibar nü Supreme Court (SC) obendang ka ajanga, azüngtsü aser zülutsü mashirtem election nung tokteptsü atema nokdangtsü akok, ta ashi. Haryana sorkari Panchayat election nung tokteptsüpur atema tazüngba kuli lateta ayutsü (minimum educational qualification) atema telemtetba agibaji Supreme Court-i pusemogo. Haryana state sorkari election nung tokteptsü atema temsüa alitsü asoshi […]