Kohima, Janaury 07 (TYO): Kohima Press Club (KPC) -i 16buba Foundation Day January 20 nü 12:00 ako nung KPC Conference Hall, Kohima nung amungtsü, anungji club züngsem ajak medema arua adentsü mepishir, ta Honibarnü Kohima Press Club (KPC) General Secretary, Alice Yhoshü-i sangdong ka ajanga metetdaktsü. KPC Executive Council-i, iba sentong tembangba sülen sen 500 […]
Kohima, January 6 (TYO) : Congress teloki Nagaland nung February 1 nü urban local bodies (ULBs) election nung tokteptsü atema renema lir, saka Naga nunger kin telok balalai election anema nokdakba atema parnoki mapa kecha meinyaki atar. Tenüng agütsüba anogo tembangtsü joko anogo ka dang lia, tanü candidate 170-i tenüng agütsüogo. Parnok rongnung NPF nungi […]
Mokokchung, Jan 6 (TYO): Ao Sendeni telemtetba ama Jan 3 nungi tenzüka tanü agi anogo pezünübuba Mokokchung nung Municipal Council election atema candidate shinga nomination file mesüdaktsüi nokdanga arudaki. Tanüa Ao Senden ketdangsürtemi anir Likapur den All Ward Union Mokokchung Town (AWUMT) lenirtem aser ano Ao Kaketshir Mungdang (AKM) nungi meyongertem aika adenshia Mokokchung Deputy […]
Dimapur, Jan. 06 (TYO) : India o Myanmar na tsüngda Pangsha yim anasa arrtsü nung atsü atsüdangtsü tenzükba ama anema Nagaland anüdoklen aliba kin trok Chang, Khiamniungan, Konyak, Phom, Sangtam aser Yimchunger kin telongjem Eastern Naga Peoples’ Organization (ENPO) telok senden ka December 29 nü Pangsha nung mena telemtetba ka agiogo aser iba telemtetba ajanga […]
Dimapur, January 6 (TYO) : Dimapur Municipal Council election atema NPF nungi toktepnüa bilemer nisung asemi tanü kanga dang taoksatsüka BJP ticket kübok tokteptsü tenüng agütsüogo. Hokolbarnü Dimapur nung BJP ticket amer tenüng agütsürtem ajak agi parnok nisung 7 liasü aser parnok rongnung tetsür ana dena lir. BJP candidate temji Hokivi Chishi, G Kits, T […]
Dimapur, Jan. 06 (TYO) : Brehostibar nü Phek district kübok Chozuba nung Town council election agitsü asoshi tenüng agüja aliba nomination paper-tem ADC office nungi nisung kari rakzüka bener aotsü merangba lendong atalokba mapang ADC office nung nisungtem agi ki oset aser ki kichiba kar raksatsüba sülen ADC-i Chozuba town nung nisung 144 CrPC ozüng […]
Dimapur, January 6 (TYO) : January 6, 2016 nü Joint Action Committee (JAC) on Women Reservation-i Nagaland Angh nem tezüluba ka nung Municipal election nokdangba aser kin telok kari tetsürtem dena candidate tem amokmerenba atema tiyongtsü nung mapa kar inyakang ta mepishi. Iba dak sendakba nung tanü Angh-i mapang balala nung Naga Hoho aser Angami […]
Kohima, Jan. 06 (TYO) : Nagaland nung Municipal aser town council election agitsüba dak aketba maparen nung lendong timtem ataloktsüa kecha meteta malinung, itemji nokdangtsü mechi Honibar anepdang 7:00 ako nungi nikongdang 3:30 ako tashi Angami nunger lushi kübok aliba Kohima, Medziphema aser Chumukedima nung nisung shinga mesenzüdaktsüi mokdangtsü ta Angami Youth Organization-i metetdaktsüogo. Honibar […]
Hokolbarnü Phek Village community Hall nung MLA Kuzholuzo (Azo) Nienu-i Phek Students Union 58 buba lokti senden den repa khenü amungba career guidance sentong nung o jembiba yangi noks anung angur. (Phek, Jan 6, 2016) Phek, January 06 (TYO) : Tanü Hokolbarnü Phek Village community Hall nung MLA Kuzholuzo (Azo) Nienu-i Phek Students Union session […]
Dimapur, January 06 (Agencies) : Dimapur District Citizens Forum (DDCF)-i tang North East Zone cultural centre (NEZCC) Director nungi mapang agi tonger anensang, Wb. Lipokmar Tzudir-i pa Director asüba mapang mapa tajung inyaktetbatem asoshi tenüngsang agütsü. Lipokmar Tzudir ya kanga tang teyakyak nisung ka lir aser pai NEZCC ajungkettsü mechi nung North East tesem nung […]