Dimapur, May 24 (TYO) : May 28, 2016 nü NPCC Political Affairs Committee Members senden ka amentsü, ta NPCC, Gen. Secy. (Admin.) N. Yona Konyak-i sangdong ka nung metetdaktsü. Iba senden ya Dimapur nung NPCC President’er kidang nikongtsütsü 2:00 ako nungi amentsü, anungji züngsem ajak arua adentsü mepishir, ta Yona Konyak-isa metetdaktsü.
Dimapur, May 24 (TYO) : Delhi University (DU) nung Under Graduate 2016 atema admission aginür kaketshirtem asoshi OFFLINE process malitsü saka ONLINE ajanga dang agitettsü, ta Kuolie Mere PRO Delhi-i sangdong ka nung metetdaktsü. Under Graduate Admission (with entrance test) online process tenzükogo aser tatembang anogoji May 31, 2016 lir. Iba sülen Entrance exam ji June 19-23, 2016 tashi alitsü […]
Kohima, May 23 (TYO) : Tawa taoba Chief minister aser tang temendak Lok Sabha nung tatar Wb. Neiphiu Rio aser taoba Home minister, Wb.Imkong L Imchen na NPF telok nungi atsüngina atadaktsüba telemtetbaji NPF temzüng kümzüka ayutsü asoshi inyakba mapa ka liasü ta tanü Hombar nü Naga People’s Front (NPF) tir Dr. Shürhozelie Liezietsu-i metetdaktsü. […]
Kohima, May 23 (TYO) : Nagaland nung sorkar tesayurtem meyirijang metsürka dak tali Mongolbar nü nungi longkak aita ‘mass casual leave’ agitsü lemtetogo. Item tesayurtem jagi Higher Secondary Education nungi Secondary aser Elementary Schools piladaktsünüa takangba agütsüba onük nung sorkari telangzüba tajung magütsüba agi mepelaba sayua iba longkak ait sentong tenzüker. Item tesayurtemji sorkar school […]
Kohima, May 23 (TYO) : Kiphire town nung lendong timtem atalokba ajanga Yimchunger sorkar tenzükertem shirnokisa Kiphire nung meliteti tesem balala nung jenoka ali, parnokji tensa tajungba maküm tashi khen atema Kiphire nungi pilar tanga tesemtem nung inyaka atatsüsa pei pei departmenti repranga inyakang ta state sorkar osang ka Home Department General Administration Branch-I ajanga […]
Dimapur, May 23 (TYO) : Dimapur nung Sovima yimtak May 21, 2016 aonung Nagaland Home minister, Wb.Y.Patton’er jabaso Jackson Patton’er kidang mejangjatetba nisungi prangpong injang katoka amokmerener license aliba prangpong ana tashi bener aoba mapa tamajungji aitsür ta Central Nagaland Tribes Council-i metetdaktsüogo. Tang ama ajaki yimjung yongyaa ataba mapang ka, iba ama nisung tsübudakja […]
Kohima, May 23 (TYO) : Kohima College Kohima indang website yanglushiba sülen Higher & Technical Education Parliamentary Secretary, Deo Nukhu-i tanü sayatsüogo. Kohima College indang website indang linük ji www.kohimacollege.in. lir aser iba ajanga college nung züngertem asoshi admission, activities, scholarship aser college inyakyim indang osang ajak angutsü. Tanü sentong nung Parliamentary secretary, Deo Nukhu-i […]
Dimapur, May 23 (TYO) : Vijaya Bank, Tseminyu nung Rs. 88,94,000 tim mesüi agizükba atema April 21, 2016 nü Tseminyu P.S nung branch manager-i ken o ka benok. Iba dak sendakba nung bushisüngdangdang, Oriental Colony, Dimapur nung alir nisung ka apu aser iba nisungji Nyinpen Yanthan’er jabaso Yichanpemo Yanthan ta jangjaogo, ta Sub-Divisional Police Officer […]
Dimapur, May 23 (TYO) : May 20, 2016 aonung 8:00 ako nungi 9:00 ako tsüngda, Lahorijan nung tipper truck (10-wheeler) ka nung lisem bener anena lia, Augustine Kramsa aser par teloki prangpong agi driver aser handyman amokmerena gariji tashiyim agi bener ao, ta Karbi Anglong-Dimapur Transporter Association, President, Anil Toppo-i sangdong ka nung metetdaktsü. Parnoki […]
Dimapur, May 23 (TYO) : Nagaland Angh-i tsünglanglen agüja aliba retired government officers nem monthly Honorarium agütsütsü atema temelaba agütsüogo, ta Home Department General Administration Branch-1 sangdong ka nung metetdaktsü. Parnok ya 33% backward reservation aser Tikhir nem indigenous inhabitant certificate aser S.T. Certificate agütsütsü onüktem asadangtsü atema shimba lir, ta sangdong nungsa shia lir. […]