Dimapur, April 17 (TYO): All Adivasi Students Association of Assam (AASAA)-i Hombar (April 18) nü ghonda 12 atema Assam noktangtsü ayongzükogo. April 11, 2016 nü Assam police-i Tinsukia district kübok Pengeri tesem nung nisung 11 tepsetba anema AASAA-i lungkak aita Assam noktangtsü. Osang ka ajanga ashiba agi, tensaji azüokteta dang lir saka Golaghat, Jorhat, Sibsagar, […]
Guwahati, April 16 (Agencies) : Assam nung küm trok tashi bendangertem anema raraba maparenji Rashtriya Swayamsevak Sangh (RSS)-i teyari agüja inyakba liasü, ta Chief Minister Tarun Gogoi-i aitsü. “Assam Agitation ji RSS ajanga yaria inyak. Shisalen sayurtemji BJP lennirtem Atal Behari Vajpayee aser Arun Shourie nunger liasü. Iba maparen atema RSS-i senotsü teyari agütsü. Senotsü […]
New Delhi, April 17 (Agencies): India nung mapang-mapang shia menoknok, tzümetsüng aser kiojen chirepba lendong kanga bulua atalokba nung ajemdaker NDRF-i, nisungi yangluba lendong aser alima tzü-mopung lendong nungi kümzüktsü atema sensotem nem tesayuba agütsütsüla, ta ashi. Tang mezüngsüa IIT Delhi-i response mechanism aser National Disaster Response Force indang tebushitetba report ka agütsüogo. Research agir […]
Dimapur, April 16 (TYO): Nagaland state nung June 1, 2016 nungi National Food Security Act (NFSA) mapa küma tenzüktsü, ta Union Minister for Consumer Affairs, Food & Public Distribution, Ram Vilas Paswan-i Honibarnü metetdaktsü. Tanü Police Guest House Chumukedima, Dimapur nung osangbener den sensaksemdang Paswan-i ashiba agi, yashi pai Nagaland chief minister, T.R Zeliang den […]
Kohima, April 16 (TYO) : India aser Myanmar tsüngda International Trade Road kanga junga yangludar, ta Roads & Bridges Minister, Y Vikheho Swu-i metetdaktsü. April 14, 2016 nü Minister, Y Vikheho Swu-i Nagaland nung Meluri Sub-Division kübok Avakhung yimtsüng nung yangluba Indo-Myanmar Friendship Road aser Myanmar nung Chera-Layshee semdang. Iba mapang nung School Education & […]
Shillong (Meghalaya), April 16 (Agencies): Tesüiba küm ishika tsüngda Northeast state tem nung rara kanga ajema kümogo, ta Union ministry of Home Affairs osang ka ajanga ashi. Home Affairs ministry indang annual report 2015-16 nung ministry-i ashiba agi, Northeast nung 2007 küm rara tatalokba 1,489 aliba nungi 2015 küm nungbo tatalokba 574 dang liasü. Ajisüaka […]
New Delhi/Srinagar, April 16 (Agencies): Taoba anogo pezü tashi Jammu & Kashmir nung tensa mesüngjemteti aliba atema tebilemtsü kaa Honibarnü Centre sorkari paramilitary sepai 3,600 tali yoksemtsü lemtetogo, iba den külemi state sorkar dang joko nisung masütsü atema inyakang, ta shiogo. Tanü temaba jenjang nung senden ka amendang J&K tensa süoka jembiba sülen sepai tali […]
Shillong, April 16 (Agencies): Taoba hopta ana tashi Shillong yimti aser temeket nung tsüngsang-mopung metetzüteti menoknok ana, tatsük den külemi yipru mopung agi kongshiogo. Honibar anepdanga Shillong aser temeket tesemtem nung tzünglu den rü kanga sashia aluogo aser nikongdang tesü tashi tsüngsang mopung mejungi liasü. Rü tsükba ajanga ki aika nung kichiba aina raksatsü, aser […]
New Delhi, April 15 (Agencies): Taoba ita ana tashi totzü nung jenjang atuba sülen tanü petrol litre ka nung poisa 74 aser diesel nung sen 1.30 ajemogo. Totzü jenjang ajemba sülen taonung, April 15, 2016 ayaterm nungi Delhi nung petrol litre ka nung sen 61.13 asütsü, ta Indian Oil Corp (IOC)-i ashi. Iba den kasa […]
Imphal, April 15 (Agencies): Ozüng agi nokdangba telok, United National Liberation Front (UNLF)-i April 13 nü Assam Rifles (AR) indang transit camp anasa bomb pokdaktsüba tenüng agiogo. Iba bomb lendong nung Assam Rifles sepai ka pokset. Brihostibar aonung osangbenertem nem metetdaktsüba sangdong ka nung UNLF-i, iba bomb ji parnoki pokdaktsü, ta ashi. Iba bomb apokba […]