New Delhi, November 02 (Agencies): MGNREGA scheme kübok aayanger nem sen mapang shitak nung magütsüba dak sentakba nung temepishiba onük ka angadangba sülen Hombar nü Supreme Court (SC)-i sorkar dang iba scheme senotsü mapang shitak nung agütsütsüla, ta tuyuogo. “State tem mejanga aliba nungi saktsüla aser senotsü mapang shitak nung agütsütsüla,” ta Chief Justice HL […]
New Delhi, November 02 (Agencies): Hombar nü osangkakettem nung yimobilem zülurtem tentet tulubai tang linük nung akhümtsübutep aser taremzüktep maliba tensa tamajungba akümba atema tebilemtsü kaa sorkar dang tamangba lokti balala tsüngda yimjung aser telongjem alitsü asoshi inyakdaktsüner, ta mepishiogo. Deobar nü All India Newspaper Editors’ Conference (AINEC) Tir, Vishwa Bandhu Gupta lenisüba nung General […]
Varanasi, November 01 (Agencies): Tanü Union Home minister, Rajnath Singh-i kaket keno zülurtem, shisashirtem aser maparen balala nung mongintem dang Akademi aser National awards meyipa magütsüi shisa lemsatepdaktsüner, ta mepishiogo. Deobar nü Varanasi nung Akhil Bhartiya Vidwat Parishad sentong nung osangbenertem dena mapang tatsüka jembidang Rajnath-i, linük nung lokti tsüngda akhümtsübutep aser taremzüktep maliba tai […]
Guwahati, November 01 (Agencies): Deobar nü Assam Chief Minister, Tarun Gogoi-i, Union Minister of State for Home Affairs, Kiren Rijiju-i “1962 küm Indo-China rara mapang Jawaharlal Nehru-i Northeast tesem nung aliba nüburtem sentoka yutsü,” ta jembiba ajanga tiyazü osang proker, ta aitsüogo. “China-i anema apusoba mapang Jawaharlal Nehru-i linük surrender asü ta Rijiju-i jembiba amaji […]
Bishalghar (Tripura), November 1 (Agencies) : Tripura nung Bangladesh den arrtsüa aliba tesem nung ganja tedong 35,000 shi ka BSF, police, forest department, excise aser administration puri raksaa endokogo. October 28, 2015 nunga Sepahijal district kübok Bakshanagar tesem nung ganjadong 75,000 shi raksa endokogo. BSF Gakulnagar Sector kübok field intelligence team kati osang tejangja angazükba […]
Cairo (Egypt), October 31 (Agencies): Tanü Russia nunger tayimtsü ka nung passenger 217 aser tayimtsü anir den ketdangser 7 mener Egypt, Sinai peninsula nung tsüokogo, ta Egypt sorkari osang ka ajanga jangjatsüogo. Iba lendong nung nisung shinga mekümzük, ta Russian embassy osang ajanga ashi. Egyptian aviation ketdangser kati ashiba agi, tayimtsü pilot jagi tayimtsü nung […]
Kohima, October 31 (TYO) : ACAUT mulungtet nübotem tanü anüngdang Kohima tonga aru aser parnok den ajurutepa jembidang Nagaland Chief Minister TR Zeliang-i tenüngsang agütsü. “Naga nunger lokti atema aser nükjidong tajung atema nenoki Chumukedima nungi Kohima tashi tetsüng agi aruba atema kanga pelar. Taoba mapang nenoki ‘Sorkar ka, Saru ka’ ta yimyim ayimokja liasü […]
Mokokchung, October 31: NSCN-IM aser Aor lokti tentet-Ao Senden, Watsü Mungdang, Ao Kaketshir Mungdang, Mokokchung Town Lanur Telongjem aser Concern Senior Citizen Forum tsüngda shisatoken senden (consultative meeting) ka Hokolbarnü Hotel Metsüben Conference Hall nung kanga dang takok ngua agiogo. Iba senden nung Naga lenirtemji: Political affairs committee co-convener VeKiye Awomi VeKiye Awomi anir Arep […]
New Delhi, October 30 (Agencies): Ato kilonser Narendra Modi-i aniba sorkaribo tesüiba mapang Ato kilonser Nehru aser Indira Gandhi nunger sentokogo ta shinüba olen ka nung Hokolbar nü Assam Chief Minister, Tarun Gogoi-i, India-Africa tesentaktep yanglutsüba atema Africa nungeri taoba mapang Ato kilonsertem- Jawaharlal Nehru aser Indira Gandhi ano mamatok, ta ashi. Sangdong ka ajanga […]
Shillong (Meghalaya), Oct 30 (Agencies): Hokolbar anepdang züngia menoknok ajanga India nung aliba north-east state tem aser Bangladesh nung tesem kar anokshitsüogo, ta Central Seismological Centre ketdangser kati ashi. Ajisüaka nisung yiruba mesüra asüama asüba osangbo maliasü. “Tanep 3:45 ako nung Bangladesh den arrtsüa aliba Assam, Karimganj district tiyongtsü ser Richter Scale 4.9 nung menoknok […]