– Imti Jamir, Kohima. Asen Ao oshi nung phonetic symbol amshiyim A.S.L.B. nungi tesayuba (guideline) agütsü nung kanga ajungtsü. Tatishitsü agi:- nì (high tune i.e. nì inyak), ní (low tune i.e. ní shiranger), àsang (palm), ásang (fern) etc. Zülu kasa saka olasü balala nung asenoki aibelena azüngba tatishitsü otsü ka lemsateper:- sentep kidang palm Sunday […]
New Delhi, June 3 (Agencies): Brihostibarnü review senden ka nung Union Home Minister, Rajnath Singh-i, Assam den Bangladesh arrtsü shibangtsü atema tuyuogo. Assam Chief Minister tasenba, Sarbananda Sonowal-i, bendangertem ozüng alema state telungi aitba nokdangtsü atema küm ana tsüngda anüdoklen arrtsü shibangtsü ta metetdaktsüba sülen iba telemtetba ya agiogo. Ministry of Home Affairs-i ashiba agi, […]
Patna, June 03 (Agencies): Hokolbarnü Jharkhand Vikas Morcha (JVM) tongti lenir, Babu Lal Marandi-i, Ato kilonser candidate atema Bihar Chief Minister, Nitish Kumar ji kanga tetemsü aser 2019 küm Lok Sabha election nung pai BJP tamakok ngudaktsütettsü, ta ashi. Tang Marandi-i Bihar yimtiba, Patna semdanga lir aser tanü pai Nitish Kumar ajurua Bihar anasa Jharkhand […]
Dimapur, June 3 (TYO) : Impur Christian Hospital (ICH) nung 2015 küm nungi tenzüka Midwifery Assistant Training National Council for Vocational Training (NCVT) ministry kübok agüja arudaki. Iba nung 2015 küm student 24 tashi training agiogo aser parnok ajaki takok ngua June 3, 2016 Impur Christain Hospital nung First Batch Passing-Out sentong ka-a liasü. Iba […]
Vatican City, June 03 (Agencies): Vatican kübok Vatican City nung ayongba Vatican Summit senden nung shilem agir alima o bendanger aser prosecutor-temi ozüng alema nisung shibelenba anema raratsüren nung yariteptsü nangzüktepogo. Alima ajunga nung Roman Catholic tamangba yimsü benshir lenisang, Pope Francis-i ayonger külen tan Vatican Summit sendenji amenba osang jangjaogo. Tan senden nung shilem […]
Tsüngrem O : Tetenzük nung O liasü, aser O Tsüngrem den liasü, aser O ji Tsüngrem liasü. Yohan 1:1 Tsüngrem den jembi? Sarasadem ajanga asenoki Tsüngrem den jembir. Tsüngrem Oji asenok dangi koda aru? Iba O dang nungi tali, O lemsar jembiba (part of speech) dang nungi temaba. Tangatetba ka nung, Tsüngremer jabasoji O lir. Iba […]
Los Angeles, June 03 (Agencies): Actor, Dwayne Johnson-i Sony Pictures adaptation “Doc Savage” nung shilem agitsü. Shane Black-i iba film ya direct asütsü. Pai Anthony Bagarozzi aser Charles Mondry na den külemi züluba otsü lir, ta variety.com osang ajanga metetdaktsü. Doc Savage film otsü ya kanga shisataka aser tashitait (scientist, inventor aser explorer) ka otsü […]
Jakarta, June 03 (Agencies): India’er tongti tetsür badminton asayar, Saina Nehwal-i tamakok ajurua tang tasayadak Indonesia Super Series Premier badminton asayamong nung joko shilem magitettsüsa jenjang tamajung tanü, Hokolbar nü nguogo. World No. 1, Spain tsür, Carolina Marin-i tanü minute 47 shi nung points 24-22 21-11 ngua Saina quarterfinal asaya nung tsükdaktsü. Tan asayamong nung […]
Dimapur, June 3 (TYO) : NSSFOF Mkg Dist., ANSTA Mkg Dist. aser ANSTA Mkg Dist kübok sub-unit asem külem senden ka June 3, 2016 nü amen, ta ANSTA Mkg Dist. President, I. Imkong Lkr aser General Secretary, Temjensunep nati külem sangdong ka nung metetdaktsü. Iba senden nung adenertemi ajaki secondary aser higher secondary section lemdangtsü […]
Dimapur, June 3 (TYO) : Chiephobozou Police Station nungi police temi garitem mita reprangba mapang Hyundai Santro gari ka Kohima tsütsü nungi aruya aliba anendaktsü saka gariji Tseminyu tsütsüi jena ao, ta Sub-Divisional Police Officer & PRO, Kohima-i sangdong ka nung metetdaktsü. Chiephobozou PS nungi police temi gariji arishi aser Tseminyu Police Station nem osang […]