Jaipur, August 12 (Agencies): BJP lenir aser taoba mapang Gangapur-City Municipality Mendenbuba, Prakash Chand Agarwal tepsetba ken o dak sentakba nung tanü Alwar district nung nisung trok puogo. June 9, 2015 nü Gangapur nung Agarwal par kidang gari anena ayuba mapang motorbike nung mejangjaba nisung kar arur pa dak injang kahlokja liasü, ta IG Police […]
Jammu, August 12 (Agencies): Tanü NIA tongti, Sharad Kumar Jammu-i tayimtsü ajanga aruba sülen LeT kiralongrar aser Pakistan telungpur Mohammed Naved Yakub dang asüngdangyaogo. Tanü 11:30 ako meta Kumar Jammu tonga aruba sülen pa Miran Sahib nung aliba Joint Interrogation Centre (JIC) tonga oa Pakistan nunger kiralongrar Javed dang asüngdangyaogo, ta osang ka ajanga ashi. […]
New Delhi, August 12 (Agencies): Lokpal Act kübok State tem nung Lokayukta tentettsü atema senotsü agütsütsü asoshi lateta mali, ta tanü sorkari Lok Sabha senden nung metetdaktsü. Tasüngdangba ka langzüdang Minister of State for Personnel Jitendra Singh-i, Lokpal aser Lokayuktas Act, 2013 ajanga Lokayuktas tentetba nung Central sorkari data bendentsü menüngdaker, ta ashi. “Iba dak […]
Los Angeles, August 12 (Agencies) : Hollywood actress Kiera Knightley-i ashiba agi la tetsü akümba ajanga tasütaitba kümogo. Arishi küm 30 tain Knightley aser la kinungbo James Righton na taküm May ita tanur mezüngbuba aso saka iba osang ya lai yimjak nung tejangja memetdaktsüi dang liasü. Tawa tu Elle magazine den sensaksemdangang Knightley-i lar jala […]
Damascus, August 12 (Agencies): Syria sorkar mitkartemi par tayimtsü amshia Damascus anasa tentetba tesemtem nung bomb tsükdakja amakba lendong tulu atalokdaktsüba osang ka nübur temeten asoshi nokdakba tongti telok kati tanü Bodbar nü metetdaktsüogo. “Syria mitkartemi par tayimtsü amshia Damascus yimti anasa tentetba jilatem, Douma, Saqba, Kafr Batna aser Hammouriyeh nunger nung bomb tsükdakja lendong […]
Seoul, August 12 (Agencies): North Korea lenisang, Kim Jong Un-i benok sentongtem magizükba yong Kim-i aniba N Korea sorkari par vice premier, Choe Yong Gon nem tasüba temerenshi agütsüba osang ka South Korea-i ketdang asüba Yonhap News Agency-i tanü Bodbar nü metetdaktsüogo. “Arishi küm 63 tain Choe-i par lenisang, Kim-i taküm May ita benokba forestry […]
Los Angeles, August 12 (Agencies) : Actress Jennifer Aniston-i airline company Emirates den US sen million 5 indang tenangzüktep agiogo. Emirates den tokteper Etihad Airways-i actress Nicole Kidman parnok advertisements nung shilem agitsü atema aniokba sülen Emirates-i Jennifer Aniston den tenangzüktep agi. “Jennifer Aniston-i Emirates atema advertisement ka nung shilem agitsü atema $5 million shi […]
Kathmandu, August 12 (Agencies): Nepal nung Muslim nungeri par yimsü kümzüka ayutsü asoshi iba linük ya Hindu state ka ta sangdongtsüla ta khanga, secular state dang nungibo Hindu state ka kübok ang parnok (Muslim) kümzüka lir ama bilemer, ta shiogo. Rapti Muslim Society mendenbuba aser Nepal nung Hindu state akhanger Amjad Ali-i, “Iba ya Islam […]
Mumbai, August 12 (Agencies): Bodbarnü Disney India-i India nung tang mezüngbuba atema “Beauty and the Beast” live stage musical ka ama bener arutsü osang metetdaktsüogo. Iba live stage musical ya Academy Award anguba animated feature film nung ajemdaker yanglu aser New York nung Broadway aser London nung West End ama India nunger danga sayutsü. […]
Kupwara, August 12 (Agencies): Yasüng Jammu & Kashmir, Kupwara district nung gari lendong ka ajurua kibong ka nungi nisung trok densema tajemba agi nisung ter tsüksetogo, ta tanü osang ka ajanga metetdaktsü. Osang ajanga ashiba agi, Tata Sumo ka Kupwara nungi Tangdar-i aoba mapang Karnah-Kupwara Road nung Sadhna Top anasa lenkübok lua tsükok. Iba lendong […]