Anogo ka tejakdang nungi Nagaland nung social media aser talisa WhatsApp nung video ka kanga prokshidar aser iba video ji Nagaland kübok tesem ka nung Bharatiya Janata Party (BJP) nüboyimba sentong ka agidang tangokba lir. Kechiba iba video prokshir aser kechiba ashishiteper ta süra iba video nung nisung kati anir teloki yimyim ayimer aser iba […]
– Dr Wangshimenba Ozukum. Election anasa arudang asenok asoshi tebilembatem, anema jembiba aser yanglushitsü atema tebilembatem aika shisaakartem nungi lemsatepa arudar. Ano sorkar inyakyimtem nung o toktepa aser lemsatepba aika dang liogo aser iba ajanga asen sasa ‘Terata Naga nungertem’ ‘The Confused Nagas’ ta nüngja agütsüoko. Ano aiben lennir ta asüba ya mashir amshir aser […]
– I. Temjen Tzüdir. Ni aibelener ka mesüra iba “Clean Election” ya 1986 küm nungi Ao Baptist Tetsür Mungdang-i (ABTM) anir “Christianity and Democracy” Omen nung amendaker, Amos Kaket nungi Lai tesayuba agüja jembia aru. Hau, taoba küm ana asem tsüngda yimtsüng, Tzükong, aser Mungdang nung Committee balala shima inyakba amabo mesüi alitsüa akok, saka […]
Central National Health Mission Funds nungi senotsü agibo mapang shidak nung Nagaland atonger, ajisüaka tan ita, Tsüklai 9, 2018 nü sangdongba National Institution for Transforming India (NITI) Aayog indang Health Index Report nung state tilatem rongnung jenjang teküboktiba nung aliba state ji Nagaland lir, ta sangdongogo. Iba index nungji Manipur, Meghalaya, Sikkim, Goa aser Arunachal […]
Tsüklai (February) 22, 2018 nü BJP-NNDP teloktep election nüboyim senden nung jembitsü atema Ato kilonser, Narendra Modi, Tuensang tonga arudang pa agizükba noksa nung angur. Dimapur, Tsüklai 22 (TYO): Tsüklai, 22, 2018 nü Tuensang public ground nung BJP-NNDP teloktep election nüboyim senden nung Ato kilonser, Narendra Modi-i, Naga nunger ajangzüktsü atema pai pa tajungtiba agi […]
Kohima, Tsüklai 22 (TYO): Tanü National People’s Party (NPP)-i, Nagaland nung taruba sorkar akumba nung NPP-i tongtibang shilem agitsü, ta metetdaktsü. Nagaland nung NPP ya yaküm Luchii (December) ita 2 anogo nung tenteta liasü aser taruba Nagaland Legislative Assembly election nung parnoki menden 25 nungi tokteptsü. NPP-i Naga People’s Front (NPF) den loktepogo. Tanü Kohima […]
Dimapur, Tsüklai 22 (TYO): Nagaland nung election dak sendakba rara balala, nisung tepsettsü merangba aser ozüng alema inyakba mapatem ajanga ACAUT Nagaland aoksar, iba ya NBCC-i ayongzükba clean election aser linük democratic inyakyim anema lir, ta ACAUT Nagaland Chairman, Tia Longchar aser ACAUT member, Simon Kelio nati sangdong ka nung metetdaktsü. “Mokokchung district kübok 19th […]
Mokokchung/Dimapur, Tsüklai 22 (TYO): Nagaland Home Minister aser Naga People’s Front lenir, Kuzholuzo (Azo) Nienu-i voters dang clean elections nung shilem agitsüla aser pei vote sen yong mayoktsüla, kechiyong ibaji ajanga pei akhümket makai akumtsü, ta ashi. Nienu-i, “Nenok vote ji ajanga nenok tarutsü tia latettsü, anungji nenoki pei vote mayoktsüla, kechiyong ibaji ajanga pei […]
Dimapur, Tsüklai 22 (TYO): Yangtepnü (Brihostibar) anepdang 10:00 ako meta 19th mile, Tuli nung election dak sendakba nung lanur ka tepsetogo, ta osang angazüker. Osang angazükba agi, yimtenren party ana tsüngda long agi ontepba mapang nung lanur ka tekolak nung zübo tulu keta yiruba sülen pa Jorhat-i anir ao, ajisüaka lenmang tom nung asü. Asürji […]
Mokokchung, Tsüklai 22 (TYO): 21 Tuli A/C nung Mon District kübok Chinglong Yim nungi Wb. Longshak (Along) Tsüklai 22, 2018 anogo Tuli nung Election dak sendakba mapa nung senti taküm samaba asoshi ABAM-i sasa bilemtsür, ta tanü ABAM Executive Secretary-i sangdong ka ajanga metetdaktsü. “Lenir shimtsü asoshi takum lalubaji Tsüngrem anema lir. Tashiyim amshia lenir […]