Imphal, January 13 (Agencies): Manipur nung Congress MLA, Thounaojam Shyamkumar-i, Delhi Police-i pa Manipur nung aliba telungpur telok ka den tesentaktep lir ta tai tongloktsübaji tai ta shiogo. Hokolbarnü Imphal nung par kidang osangbenertem den jembidang Shyamkumar-i, police-i tai tongloktsübaji tai, ta ashi. Pua aliba telungpur ka dang asüngdangyaba sülen Brihostibarnü Delhi Police-i Shyamkumar nem […]
Dimapur, January 13 (TYO): Nagaland den kidanger state kar nungi non-Nagaland Naga nungeri ULB elections nung tokteptsü atema tenüng agüja lir, anungji ULB elections magitsüla, ta Central Nagaland Tribes Council (CNTC) sangdong ka nung metetdaktsüogo. Tetsür nem shilem lemzükba nung maongka agia, Naga nunger masüba nisungtemi tenüng agütsüba atema sasa bilemer. Anungji, colony tem aser […]
Guwahati, January 13 (Agencies): Brihostibarnü security sepaitemi truck meina Manipur-i aodang injang yoka liasü, aser iba dak sentakba nung United Naga Council (UNC)-i state nung Centre sorkar teyari meshiogo. Iba tatalokba ajanga mepetmesü tali adoka UNC-i, Jiribam nungi Imphal tashi khu balala abenba truck meiner, Manipur State security sepaitemi Khumji yimtak injang yokba aitsüogo; Iba […]
Dimapur, January 13 (TYO) : January 16, 2016 nü Naga council Dimapur (NCD) rongdak councilor senden ka amentsü jateper, ta NCD General Secretary, Thsapongkyu Sangtam-i sangdong ka nung metetdaktsü. Sendenji nikongdang 2:00 ako nung Naga Council Office N.L. Road nung agitsü aser Urban Local bodies election mokdangba onük jembitsü. Anungji, Naga Councilors ajak arua adentsü […]
New Delhi, January 13 (Agencies): Hokolbarnü Home Ministry-i paramilitary force ajak dang sepaitemi ajangshiba timtem balala atema tekaraba nung inyaktsü tuyuogo. Tawa sepai kati BSF sepaitem nem chiyungtsü kanga mejungi agütsüba indang sangdongba sülen sorkari iba mera agir. Sangdong ka ajanga Home Ministry-i BSF, CRPF, CISF, SSB, ITBP, NSG aser Assam Rifles dang, sepaitemi onük […]
Hokolbar nikongdang Dimapur Deputy Commissioner, Kesonyu Yhome-i Hindi movie “TARGET” sayatsüdang tangokba noksa ka yangi angur. Dimapur, January 13 (TYO) : Saibaba Entertainment, Kolkata indang production, Hindi movie “TARGET” Hokolbarnü Hotel Saramati, Dimapur nung Dimapur Deputy Commissioner, Kesonyu Yhome-i sayatsüogo. Iba film ya Subash Chatterjee-i direct asü aser Jayanta Sadhya-i produce asü. Movie sayaba sentong […]
Guwahati, January 13 (Agencies): India sorkar Act East Policy, koba ajanga Asean linüktem den shishilembatsü lenmang yangludar, iba nungji rangloker Mukesh Ambani aser Ratan Tata nati Assam nung shishilembatsü jangraba lemsatepogo. Brehostibarnü Gandhinagar nung Vibrant Gujarat Global Summit nung ‘Assam State Seminar’ alidang Assam nungi industry aser commerce minister Chandra Mohan Patowary dang India nung […]
Guwahati, January 13 (Agencies): Sorkar mapa agütsütsü asoshi sen meshiba ken-o nung pua alisang, taoba Assam Public Service Commission (APSC) nung mendenbuba, Rakesh Paul tepuokdak yua aliba nungi bail nung chioktsü asoshi mepishiba shidi zülu, saka Guwahati high court-i magizük. Taoba küm December ita special judges court ka nung pai bail meshiba magizük aser iba […]
New Delhi, January 13 (Agencies): Kaket ken o nung mongintem aika ZEE Jaipur Literature Festival nung adentsü renemshidar; Iba benjung ya January ita shia anogo pungo amonger. Sentong ayonger ‘Teamwork Arts’ purtemi ashiba agi, Diggi Palace nung January 19 nü Shillong Chamber Choir-i iba sentong lapoktsü. Shillong Chamber Choir ya 2001 küm tentet. Parnoki 2010 […]
Guwahati, January 13 (Agencies): Raliwalir nüngtem nung semzükba train ka February 17 nü Guwahati nungi tenzüka eastern sector nung tamangba yimsü dak sendakba tesem balala sema tamangdir anir jajatsü. ‘Aastha Circuit Tourist Train’ nung sleeper class, tesem balala sema jajaba mapang chiyungtsü (Vegetarian), takdangtem aser tesem balala sema jajatsü asoshi non-AC tourist bus agütsütsü, ta […]