Dimapur, August 23 (TYO) : Nagaland nung light junga maruba ajanga business inyakertem aser industry lapoka alirtem kanga timtem aser takoksa ajuru marem tanü Mongolbar nü Business Association of Nagas (BAN) teloki Nagaland Chief minister aser Power minister na dangi mepelaba o den yakta light junga arudaktsütsüla ta takangba ka agütsüogo. Nagaland nung light aruba […]
(L) Nagaland Angh, P.B. Acharya kinüngtsü Kavita Acharya-i o jembiba mapang & (R) Tabitha Enabling Academy kaketshirtemi Chicken Dance sayudang. Kohima, August 23 (TYO) : Union Ministry of Culture aser North East Zone Cultural Centre (NEZCC)-i acha-ayanga North East Region nung ‘Umang Festival’ amunger aser tanü Nagaland nunga iba benjung ayongzüka mungogo. Kohima nung aliba […]
Guwahati, August 23 (Agencies) : Assam nung BJP lennir ka jabaso Kuldeep Moran kümzüktsü atema Assam Police-i Arunachal Pradesh police dang nungia teyari meshiogo. August 1, 2016 nü Paresh Barua-i aniba ULFA teloki Arunachal Pradesh nung Kuldeep Moran apu. “Arunachal Pradesh nung Kuldeep apuba osang angazükli, onoki Changlang district (AP) kübok Nakhung police station nung […]
Dimapur, August 23 (Agencies): Government Higher Secondary School (GHSS), Pfutsero-i par school ground nung 55 buba annual sports week sentong tanü, Mongolbar nü agiogo. Tanü sentong nung Wonthungo Tsopoe, Additional Director (HOD), School Education tongti tesemdanger liasü. “Kümshia agiba asayamong takok ngua ayongba atema GHSS Principal, tesayur aser mapa inyakertem den pelaba lemsateper. Government High […]
Kohima, Aug 23 (TYO) : Nagaland nung alu tajungba ayimtsü asoshi ali amshiyim indang shisadanga sentong yanglua inyaktsü atema distrct ajak nung Participatory Land Use Planning (PLUP) tenteta inyaktsü aser Lang Use Committee (LUC) shimtsü nüngdakba indang tanü Mongolbar nü de Oriental Grand hotel, Kohima nung “state level consultative workshop” ka aliba mapang jembia liasü. […]
Dimapur, August 23 (TYO) : August 24, 2016 anepdang 5:00 ako nungi nikongtsütsü 5:00 ako tashi Karbi Students’ Union-i Karbi Anglong region, Assam mokdangtsü, ta Dimapur Police-i metetdaktsüogo. Ibamapang senzüsenbongertem atema Assam Police-i mapang telemsa nung escorts agütsütsü. Karbi Anglong tesem adena senzütsüsa kümra Bokajan-Numiligarh lenmang ajanga senzü tajungba asütsü, ta Dimapur police-isa metetdaktsü.
Guwahati, August 23 (Agencies) : Mongulbarnep India aser Myanmar arrtsülen Richter scale nung 3.1 aser 5. 5 asadangtetba menoknok ana anokba mapang nüburtem tetsübu aser taoksa agi kimai alutsüsa aküm. Menoknok ajanga ki raksatsüba mesüra tanga teraksa adokba osang tang tashi nungbo kecha mali, ta Assam police-i ashi. Meteorological office ajanga ashiba agi, mezüng anokba […]
Dimapur, August 22 (TYO) : August 26, 2016 anepdang 9:30 ako nungi Teranabuba Nagaland Legislative Assembly indang Special Session ka amentsü, ta Nagaland Chief Minister, T.R Zeliang-i sangdong ka nung metetdaktsü. Iba session nung Constitution (122nd) Amendment Bill, 2014 benoka olemteptsü, ta sangdong nung shia lir. Iba dak sendakba nung August 25, 2016 nikongtsütsü 3:00 […]
Dimapur, August 23 (TYO) : Mongkolemba nung PHED SDO küm asem tashi mapai shitak marur, iba jagi department mapa nung tamakok aika lir aser nübortem timatemer, anungji yaktasa Mangkolemba nungi PHED SDO Tinu Longchar odakjang aser pa melen tanga ka yokang ta Mangkolemba Ao Lanur Telongjem (MALT)-i Public Health Engineering Department nung Chief Engineer nem […]
Ao Senden nung taoba tir, Prof. Sangyu Yaden-i “ Aor Temzüng ozüng” kaket ka District Customary Law Court, Mokokchung nung sayatsüba noks anung angur. Aug. 23, 2016. Mokokchung, Aug 23 (TYO): Mokokchung District Dobashi-i züluba “Aor Temzüng Ozüng” kaket ka Mungulbarnü yangi DB Customary Law Court Mokokchung nung taoba Ao Senden tir & Nagaland University […]