Dimapur, September 18 (Agencies): National Socialist Council of Nagaland (Khole-Kitovi) telok lenir Khole Konyak-i pa arishi nung kanga tain akümba ajanga Naga nunger atema inyakba maparen nung tetsükdaktsü alur ta bilema pa anisüngzükogo, ta Hokolbar nü osang ka ajanga ashi. NSCN (Khole-Kitovi) teloki Naga peace accord pusemba toktsüba sülen anogo ishika tsüngda iba telemtetba agiogo. […]
New Delhi, September 18 (Agencies) : NSCN-K lennir SS Khaplang-i India sorkar den ceasefire alitsü memulungi liasü saka Naga nunger mulungtet teloktemi nenshia ashiba mokokteti mulunga agizük, ta NSCN-Unification general secretary Kitovi Zhimomi-i ashi. “Khaplang-i tetenzük nungi ceasefire alitsü memulung saka NBCC (Nagaland Baptist Churches Council)-i anir mulungtet teloktemi ashiba o mekokteti agizük” ta North […]
Kohima, September 18 (TYO) : India sorkari NSCN (K) küm pungu ozüngi memelaba telok ka noktangba aser NSCN (K) lennir ana atema sen lakh 17 senpet agütsütsü telemtetba agiba atema nemjema bilemer, ta Naga Students’ Federation (NSF)-i metetdaktsü. “Iba ya Naga nunger taginüba anema lir” ta Hokolbarnü NSF tir Subenthung Kithan aser tongti tezülur Boveio […]
Guwahati, September 18 (Agencies): Bodhbar aonung Chirang police-i Jihadi training agidak ka makogo aser training agir nisung asem puogo. Training agir züngsem asemji Minarul Islam, Johrul Haque aser Badiur Zamal Sheikh nunger lir ta jangjaogo. Tang tashi nungbo police-i parnok adenba telokji memetetdaktsüi lir, ajisüaka parnokji Muslim nunger tali bilemloka aor telok ka nungi lir […]
Dimapur, September 18 (TYO): Tawa osang kakettem nung GPRN/NSCN-i peace accord pusemba agiener aser Tir Gen. Rtd. Khole Konyak-i sodi meshir ta adokba dak sentakba nung sangdong ka ajanga GPRN/NSCN-i MIP secretary, Moa Walling-i, GPRN/NSCN-i kodanga mesüra kecha sentong nunga India sorkar aser NSCN IM na tsüngda yimjung tezüngzüktep pusemba mesüra pu masemba sangdonga mali, […]
Kohima, Sept.18 (TYO) : India sorkar o NSCN-IM telok na tsüngda August 3, 2015 nü Naga yimten ken o latettsü asoshi nükmen onük kar renemba sülen Angami Public Organisation (APO)-i Naga nunger ajaki agizüktettsüsa latettsü atema Naga nunger linük telok ajak den ochi o poka jembitsüla shisa tasen ka agütsüogo. Naga nunger yimten tebilemtsü latettsü […]
Aizawl September 18 (Agencies): Manipur, Hmar People’s Convention (Democrats) {HPC(D)} nung züngsem ta mulung melemi bilemba nisung asem Mizoram Kolasib district kübok aliba Bilkhawthlir yimtak pua lir, ta police-i ashi. Parnok ya Brihostibar nü yimtaklirtem dang tashiyim agi sen meshia aliba mapang apu, ta SP Lalzahngova-i ashi. Par asem apuba mapang nung yimtaklir anati HPC(D) […]
Dimapur, September 18 (TYO) : 11 kv line yanglushiba ajanga September 19, 2015 anepdang 6:00 ako nungi 11:00 ako tashi Walford, Purana Bazar aser Airport tesemtem nung power supply mangutsü. Anungji consumer temi iba khuret angateta aremzüka atatsü mepeshir, ta Er. Moameren, Executive Engineer Dimapur Eelectrical Division-i sangdong ka nung metetdaktsü.
Kohima, September 18 (TYO) : Tawa tasen tentetba Association of Kohima Municipal Wards Panchayat (AKMWP)-i Kohima Municipality kübok kiyong 19 nung aliba panchayats 42 atema inyaktsü ta metetdaktsü. Brihostibar nikongtsütsü Hotel 2K nung osangbener den sensaksemdang AKMWP tir, Neibulie Kiewhuo-i ashiba agi, AKMWP ji non-profit, non-political aser non-governmental telok ka lir aser iba telok nung […]
Kohima, September 18 (TYO): Get Them Go (GTG); Laü Youth & Sports Organization (LYSO), Senapati; 4th NAP, Thizama aser Tribal Football Club (TFC), Kohima nungeri tanü Hokolbar nü takok ngua tang tasaydak 16 buba NSF asayamong 2 buba round asayatsü jenjang ajangzükogo. Tanü mezüngbuba asaya nung GTG teloki goal 3-2 agi FC Lenlem, Kohima madak […]