Pai pei san telok sannüker amai mesütsü, Pai pei tepen agi san chanutem anitentsü aser Pai itemji teku nung ajunger aser mama yongdaktsürtemji tanemi anir aotsü (Isa 40 : 11). Aser Yisui Pa nütsüngtem Pa dangi jaa ashi, Ni telok asoshi aria bilemer, kechiaser item anogo asem parnok kü den maneni lir aser tachitsü kecha […]
Nenok alima ajak, Kibuba dang tepela ola yokang. Tepela agi Kibuba tenzükang; Pa tsüngdangi ken dena arung; Tenüngsang agi Pa süngkümi iang; Aser Pa talidaki sanga iang (T.Ken 100:1,2,4). Kechiyong asenok nem tanur ka soja lir, asenok nem jabaso ka agüja lir: aser Pa tenüng Tesüngmangtsü, Teshisadanger, Tsüngrem Tashi Tulusang, Teti Tatem Maka Tebu, Yimjung […]
Tsüngrem ozüng dang tashi angabaji ne mulungjang nungi adoker. Kodang Tsüngrem dang tashi küptepdir, iba jagi ne mulungjang pa nungi pilaa aoba sayur. Kari ashir: “Ni Tsüngrem meimer, saka shilem kar nungbo tashi mangatsü bilemer.” Ibaji tanelaren tamakoktsü. Ni ne dang asüngdangra, “Nai Tsüngrem meimer asü?” Nai melamela langzütsü, “hau! ” Saka ni ne dang […]
Kodang asenoki sarasadema ashir “Kotak nung koda lir alima nung aji oda ne mulung süang” Luke 11: 2. Kodang “Kü mulung ta shidir” paradise samar. Nisüngi mulungba kodang Tsüngremi mulungba den tsüktepdir timtem adoker. Kari ashir, “Alimaji ken atenba kongki ka mesük, kentener shiai pai mulungba ken atentsü. Tanishiri ashiba mangai pei sünütsü dang süa […]
Kibuba mapa nung teti maitsüi nokdakang, kechiaser Kibuba nenok mapa amajok masü (1Kor. 15:58). Anungji nenoki kechi koda Kibuba Yisu Khrista agizük, yamaji Pa dak tera yanga aser metenloktepa, nenok dang sayuba tamang nung akangdakja, tenüngsang kanga agüja Pa dak jajaang (Kol 2:6,7). Saka shibai tatem tashi aremdir pa kümzüktsü (Mtt 24:13). Aser ali tajung […]
Idaki asenoki aochia aria bilemba angur, nisung ka shirang aser tangar ka timatem. Tangar timtem nung asenoki aria bilemba jagi asenok Tsüngrem dangi tali anasai aor; timtemer nüngdak asenoki Kibuba den lemsateper. Asenoki alima shirangba aser timtem ajanga asen taginüba Kibuba den lemsateptsü akok. Asen Tsüngrem ji “Aochia bilemba Tebu” lir; ajaklen Pai metetta lir, […]
Asen Kibubai teti asen tajungtiba akanger. Asen tajungtiba nung tanabuba tajungtiba den Pai mapa meinyaker. Kodang asen akaba tematokdir Pai talila taochi agütsür. Asen Masteri Pa tajungtiba meinyakdang tama aseni asen tajungtiba inyaktsüla. Asenoki “mori nungji tzü” sünga enoktsüla. Asenoki “amtsük pungu” aser “ango anaji” agütsütsüla. Asenoki “zütsükji tzü” nung aontsüla! Asenoki “anebtsü mulungtsüla” aser […]
Iba sayatenya ya sarasadem nung tenzük. Tamarener nisungji Yisu dangi ao “aser Pa dang mepishi.” Iba ama mapa tila, temelenshi tulu tenzüktsü akok! Tennysoni ashir, “Sarasademi asenok aser Tsüngrem tsüngda tzü noktangba süngküm lapoktsür.” Iba yagi tashi mait yinzü tilaji battery den sendaktepdaktsür. Iba yagi Tsüngrem aser nisung külemi sendaktepdaktsür. Amangba ajanga sarasadem nung yarir. […]
Nenoki kü dang Tesayur aser Kibuba ta ajar aser nenoki tim ajar kechiaser aji ni. Yohan 13:13 Asen Kibubai kodanga asenok dak tashi mamshi. “Nenoki Kü nem agütsütsüla” ta Pai kodanga mashi. Masü, shimtsü asoshi Pai asenok nem shimtsü nüji agütsü- kanga nüji, asenoki Pa tejak nung metsü metsüloktsütsü akok mesüra Pa südaktsütsü akok, tangari […]
Kati ka den tiyazü tejembi, kechiaser asenoki nisung tejen pa mapa den semzüka endokogo. Kolosi 3:9 Rick Pitinoi ashir, “Tiyazüri tarutsü tebilemtsü nung shilem ka yanglur, ochibai ibai tesüiba shilem ka yanglur.” Kodang nai ochi jembidir, nai kechi ashi aji kodanga mebilemtettsü. Takok anguba tiyazür ka asütsüsa shinga tebilemtetba tajung mali. Tiyazüji jenbutsü lenmang tajung […]