New Delhi, February 23 (Agencies): India nung aliba hospital tem, talisa nija hospital tem nung caesarean section surgery agiba kanga bulur, aser online ajanga nisung lakh 1.3 dak temai sorkar dang iba anema inyaktsü mepishiba sülen sorkari mera agiogo. Iba temepishiba sülen Women & Child development Union Minister, Maneka Gandhi-i shidi ka ajanga Union health […]
Kochi (Kerala), February 23 (Agencies): Malayalam actress ka puer aoba ken o nung tongti aibelener, Pulsar Sunil anogo trok nü lir Brihostibarnü puogo, ta tanü state police osang ka ajanga metetdaktsü. Brihostibarnü Kochi nung osangbenertem den jembidang Kerala Police nung tongti, Loknath Behra-i, Pulsar Sunil aser pa den yariteper ka puogo, ajisüaka asüngdangyadang tenati osang […]
Guwahati/Imphal, February 23 (Agencies): Brehostibarnü Assam aser Arunachal Pradesh nung mitkartemi NSCN (K) telungpur ka aser Kamatapur Liberation Organisation (KLO) telungpur asem apu. Osang ajanga ashiba agi, NSCN (K) telungpur ka ya Arunachal Pradesh nung Wakka tesem nung mitkartemi apu. “NSCN (K) telungpur ya Wakka yimtsüng nung aliba nüburtem merenshia sen meshiba osang angazükba sülen, […]
Imphal, February 23 (Agencies): Indian Air Force (IAF) cargo oil tanker kati Brehostibarnü Imphal-i petroleum osettem bener aruogo. Manipur nung taruba ita election agitsü lir saka lenmang nokdanga ayuba ajanga parnok totzü agi kanga anünger. Iba totzü abenba tayimtsü 10:30 am shi nung arua atong, aser osettem agizüka toktsür meyipa oadok, ta airport ketdangsertemi metetdaktsü. […]
Guwahati, February 23 (Agencies): Bodhbar aonung state tesem balala nung yipru tesashi adokba ajanga nisung asem asü aser aika yiruogo. Asürtem rongnung ka Margherita, Janti Mundu nungi lir ta jangjaogo. Maneni iba yipru ajanga kiojen aika raksatsüogo. Tezpur Joymoti Pathar nung Raj Tilak Theatre chirepba ajanga nisung aika yiruogo. Naokata, Goreswar tesem nung ki chirepba […]
Imphal, February 23 (Agencies): Irom Sharmila’er party, People’s Resurgence & Justice Alliance (PRAJA)-i Brihostibarnü taruba election nung par telok Manifesto sangdongogo. Parnoki Manipur nungi AFSPA agientsü aser Inner Line Permit inyakyim melenshitsü nangzük. Sharmila-i 1958 Armed Forces (Special Powers) Act, anema nokdaktsü asoshi PRAJA yaküm tentet. AFSPA agientsü asoshi khanga Sharmila-i küm 16 lumiba yaküm […]
Imphal, February 22 (Agencies) : Manipur nung rongsenren mokdangba ajanga assembly elections nung timtem majurutsü aser elections tiptema agitsü atema maparen inyakogo, ta Election Commission-i metetdaktsü. “State election ketdangsertem dang nungi onoki osang ajak nguogo. Manipur nung assembly elections nung rongsenren mokdang ajanga timtem kecha majurutsü. State sorkaria ibaji onok dang nangzükogo” ta Chief Election […]
Imphal, February 21 (Agencies) : Mongulbarnü telungpurtemi Manipur Deputy Chief Minister Gaikhangam taküm agitsü merang saka pa lendong nungi jenbuogo. Tamenglong district kübok Namkalong nung tanep 10.30 ako meta Gaikhangam election atema nüboyimba sentong ka nung adentsü aodang lendongji atalok. Telungpurtem jagi tesem ana tashi nung Gaikhangam indang cavalcade nung injang kahlokja amak aser iba […]
New Delhi, February 21 (Agencies) : South Delhi nung mapang intoka kazüba nüngtugu tesem ka nung Naga tsür ka tashiyim agi raksatsüsang puogo, ta Mongulbarnü Police-i metetdaktsü. Deputy Commissioner of Police Ishwar Singh-i iba sangji mezüng tenüng Jhandal agi metet. Iba tebur ya arishi küm 23 tain lir. Hauz Khas village nung aliba pub aser […]
Itanagar, February 21 (Agencies): Centre nung sorkari northeast ajungkettsü asoshi kanga temolung agütsüdar, “linük senotsü ren nung tali ajungkettsü asoshi NE ajungkettsüji kanga tongtibang,” ta Union Home Minister Rajnath Singh-i ashi. 31buba Arunachal Pradesh Statehood Day, Indira Gandhi Park nung amungba mapang o jembidang, northeast tesemtem koba nung Arunachal densema, taoba mapang sorkari temolung magütsüba […]