Srinagar, January 10 (Agencies): Congress Tir Sonia Gandhi aser Union minister Nitin Gadkari nati tanü, Deobarnü Srinagar nung asür Jammu & Kashmir chief minister Mufti Muhammad Sayeed’er kibong den asüko lemsateptsü. Sonia Gandhi-i Deobar nikongtsütsü Srinagar nung Mehbooba Mufti semdanga asüko lemsateptsü, ta Congress sangdong ka ajanga metetdaktsüogo. “Iba sülen lai Srinagar nung asür chief […]
Patna, January 10 (Agencies): Deobarnü Champaran district, Bihar nung tebur kati sen taila lakh 4 bener lia apu, ta police-i metetdaktsü. Directorate of Revenue Intelligence (DRI) telok kati iba nisung ya Champaran district kübok aliba Bakhriya yimtak apu. Iba yimtsüng ya Patna nungi kilometre 230 pilar lir. “Pa ya kasa district nung Balua yimtsüng nungi […]
Patna, January 10 (Agencies): Bihar Deputy Chief Minister Tejaswi Yadav-i, BJP-i aniba opposition dang temzüng ozüng tsütsü state nem tenük menük bentsür aruba olulutem anenang, ta Deobarnü ashi. “Bihar nung makizüktetba politics amshiba anenang. Chief Minister Nitish Kumar-i aniba Grand Alliance sorkari ozüng, yimsüsüba aser terenlok dak rangloker inyaker. Bihar ya terenlok state ka akümtsü […]
New Delhi/Lahore, January 14 (Agencies): Pathankot amakba sülen India-i melung melemi bilemba phone number tem agütsüba nung ajemdaker tanü Pakistan nung kaketshir asem puogo, aser par asem densemabo iba ken o nung tang tashi nung nisung 31 puogo. Tanü Pakistan nungi osang ka ajanga, “Agency temi Lahore University of Management Sciences (LUMS) nungi kaketshir ka […]
New Delhi, January 9 (Agencies) : Delhi University nung BJP-i Ramjanmabhoomi Temple atema shisatokden sentong ka ayongzüka agiba atema Delhi nung Aam Aadmi Party (AAP)-i BJP aitsüogo. BJP-i university tem nung lokti nung telemsa adokdaktsütsü indang osang prokshir aser iba shisatokden agiba ya 2017 küm Uttar Pradesh assembly elections dak rangloker inyakba mapa ka lir […]
January 09, 2016 : Ato Kilonser Narendra Modi dang Pathankot Airbase nung tan tsükchir den raraba aser mita aoba yimya rasaa ashiba noksa nung angur. National Security Adviser, Ajit Doval, Chief of Army Staff, General Dalbir Singh aser Chief of the Air Staff, Air Chief Marshal Arup Raha nungera kasa noksa nung angur. Pathankot, January […]
Silchar, January 9 (Agencies) : Hokolbarnü Assam nung 11th North Cachar Hills Autonomous Council kübok BJP züngsem 10-i council toktsüba ajanga timtem tulu ka adokogo. Züngsemtem jagi Niranjan Hojai lenisüba kübok BJP council anema ken o ka benoktsü telemtetba agi. Dima Hasao district headquarters Haflong nungi osang ka ajanga ashiba agi, Council toktsüba BJP züngsemtemji […]
Mumbai, January 09 (Agencies): Honibarnü Mumbai nung college azünger aiür ka Arabian Sea rocky beach nung la meyong phone agi la sasa noksa tangokdang tzüyim nung lua tsük. La aser la kümzüktsü atema tzüi pongoka aisang naprongla tang tashi nung ano mongui bushitepdar, ta police-i ashi. Iba kaketshir ya ano küm 20 majung aser la […]
Agartala, January 9 (Agencies) : Tripura Chief Minister Manik Sarkar indang taila Facebook account lapokba atema Tripura Police-i Interpol dang nungi teyari meshitsü akok, ta sorkar ketdangser kati metetdaktsü “October 2014 nunga Chief Minister Manik Sarkar indang taila Facebook account ka lapokba atema police-i bushisüngdang asü. Taoba hopta tu onok dangi iba kasa osang ka […]
Kolkata, January 09 (Agencies): West Bengal Chief Minister Mamata Banerjee-i lar sorkari industrialists tem den tebilemtsü adokdang angatettepa inyaker, ta ashi. Ozü sorkaribo industrialists tem kodanga mekangshitsü ta ashiba mapang, lai, linük nung aliba state sorkar ajak dang industrialists tem nem lenmang sadema lapokjang aser ki nüngpoka oa tax tali meshia mekangshitsüla, ta ashi. “Kü […]