Dimapur, January 6 (TYO) : Nagaland nung Atal Mission for Rejuvenation and Urban Transformation (AMRUT) inyaktsü atema Urban Development Directorate nung State Mission Directorate nem mapa lemzüktsür ta Nagaland sorkari metetdaktsü. Nagaland nung AMRUT atema Director, Urban Development Nagaland nem State Mission Director mapa nungloktsür ta sorkarisa sangdong ka nung metetdaktsü.
Dimapur, January 6 (TYO) : Mangkolemba Sub-division kübok village council ajaki pei pei yimertem dang tenem ozü mekahsettsü atema tetuyuba agütsütsü metetdaktsür, ta Mangkolemba ADC, T. Imtiwapang Aier-i sangdong ka nung ashi. Iba tetuyuba anema inyakertemji Wildlife (Protection) Act 1972 nung Arrla 51 kübok temerenshi alitsü ta paisa sangdong nung metetdaktsü.
Dimapur, January 5 (TYO) : January 5, 2016 nikongtsütsü Chief minister indang residential office nung rongdak cabinet senden ka ayongzüka agidang, Yimchungrü Akheru Arihako (YAA) Golden Jubilee benjung thinena atatsü mepishitsü atema telemtetba agi. Cabinet Secretary, R.B. Thong-i sangdong ka nung YAA dang Hon Jubilee mung thinentsü aser YAA o YTC-i mapang tatakzük melii mokdangba […]
Yajang-C, January 5 (TYO) : Agriculture Parliamentary Secretary & Chairman NSAMB Nagaland, Dr. Benjongliba Aier-i Mokokchung district kübok Yajang-C yimtsüng nung Border Peace Coordination Committee (A-N) züngsemtem, Gabharoo Festival organising Committee züngsemtem, Rankham village area (Assam) nungi lenirtem aser Yajang-C council members külem senden ka ayongzüka agi. Yaküm April ita Assam kübok Rankham aser Nagaland […]
Dimapur, January 5 (TYO) : Mongulbar anepdang Nagaland nung taoba Minister Nokzenketba iba lima toktsür ogo. Pa arishi küm 67 nung tanep Jorhat (Assam) nung asü. Kinüngertemi ashiba agi, asür Nokzenketba temulungjang nung timtem kar atema NEIGRIHMS, Shillong nung anepalu aser tanep pa kinungtsüi den tangar kar den check up atema Mokokchung nungi apuso. Ajisüaka, […]
Dimapur, January 5 (TYO) : Khristmas aser Küm Tasen tsüngda Jangpetkong tzükong nung aliba arem nung tenem ozü trok arua lir ta Mangkolemba Sub-division nung alir aser Khar yimertem ashir. 1960s tashi ka nung Jangpetkong nung aliba arem nung tenem ozütem liasü saka nisungtemi ozü akahba aser süngdong-lidong lendokba ajanga ozütemi arem toktsür ao, ta […]
Dimapur, January 5 (TYO) : 2016 nungi Impur Christian Hospital nung Medical consultations aser OPD check-up angati dang asütsü ta Board of Trustee, Impur Christian Hospital-i sangdong ka nung metetdaktsü. Iba dak sendakba nung osang tanga ka mesangoktsü tashi iba telemtetba ama inyaktsü aser iba mapa ajanga nübortem ajangzüktsü imlar, ta Dr. Sashimeren Aier, Chairman, […]
Dimapur, Jan.04 (TYO) : India sorkari National Socialist Council of Nagaland (Khaplang) telok ya ozüngi memelaba telok lir ta September 28, 2015 nü sangdongba sülen parnokji shitakba ” Unlawful Association ” asütsü asü masü ta asüba ken o benoka jembir telemtetba agitsü atema center sorkari shimba Unlawful Activities Tribunal nung Registrar ajanga NSCN-K telok okadaki […]
Dimapur, January 4 (TYO) : January 7-10, 2016 tashi Shamator nung YAA Golden Jubilee amungtsü aliba dak sendakba nung state sorkari Yimchungrü Akherü Arihako (YAA) aser Yimchungrü Tribal Council (YTC) dang yimjung aser tesünep raksatsüsa mapa meinyaktsü mepishia metetdaktsü. January 2, 2016 nü state cabinet-i Shamator nung YAA Golden Jubilee mamungtsü atema telemtetba agi aser […]
Dimapur, Jan.03 (TYO) : Dimapur nung ‘ Naga Blind Association ‘ purtemi ayongzüka tanü Hombar nü 14 buba ‘International Louise Braille Day” mongogo. Louise Braille yagi nükpokertem zülu aser azüng ashitsüsa maparen ka ngutetba ajanga tanü nükpokertemi zülutsü aser azüngtsü kanga junga angazüktetter. Tanü iba sentong nung tongti o jembir, Naga Blind Association nung tir […]