Kohima, July 3 (TYO): 1buba Kohima District Inter-School Football Tournament, Royal Club Kohima-i ayongzüka Kohima local ground nung asayadar aser tanü asaya nung St. Mary’s HSS aser Mt. Hermon HSS nati pie tata asaya koka quarter final tongtetogo. St. Mary’s HSS puri 2-0 agi BMS Jotsoma madak takok angu. Asaya tenzüker minute 20 buba nung […]
London, July 03 (Agencies): Taoba küm teburtem Wimbledon tennis kija asaya koka alisang, Andy Murray-i Hombarnü kasa asayamong nung takok ngua tanabuba round-i iogo. Hombarnü tsünglu agi asaya anaben tashi anendakja asayaba nung World No. 1, Murray-i Kazakhstan nunger Alexander Bublik madak 6-1, 6-4, 6-2 agi takok angu. “Bublik ya asayar tajung ka lir. Pai […]
July 3, 2017 nü Nagaland Chief Minister, Dr. Shürhozelie Liezietsu-i pa indang office nung SVP, National Police Academy, Hyderabad nungi aruba IPS Probationers den sensaksemdang agiba noksa angur. Kohima, July 3 (TYO): Naga yimten tebilemtsü ajanga terenlok mapa aika meinyakteti lir, saka tekaratiba nung telemtetba ka agia state renloka aotsü imlar, ta Nagaland Chief Minister […]
New Delhi, July 3 (Agencies): Armed Forces (Special Powers) Act kübok Nagaland ajunga “disturbed area” mapang atsülangogo. “Nagaland ajungalen tensa majung aser lendong ataloktsü ana nungdang lir aser iba jagi armed forces-i civil power den yariteptsü nüngdak. Anungji, ita trok atema “disturbed area” alitsü mapang atsülanger,” ta home ministry sangdong ka nung metetdaktsü. “Armed Forces […]
Kohima, July 3 (TYO): Nagaland nung ‘backdoor appointments’ kanga buluba aser sorkar department temi Nagaland Public Service Commission (NPSC) ajanga nisungtem shimoktsü melemzüktsüba anema Public Service Aspirants of Nagaland (PSAN)-i tanü New Secretariat Junction nung lungkak aitba sentong ka agiogo. “Yimsüsürtemi taruba election atema bilemer, PSAN-i tarutsü putu atema bilemtsür”, “Tokteptsü atema onok nem maongka […]
Dimapur, July 3 (TYO): India sorkari Naga yimten olemtep atema shimba Interlocutor, RN Ravi-i July 6, 2017 nungi anogo ananü atema Nagaland semdangtsü. Iba mapang pai Naga yimten tebilemtsü dak sendakba telok balala den ajurutepa sendentem amentsü. Interlocutor, RN Ravi-i Kohima nung July 6, 2017 nikongdang nungi tasüngnep tashi aser Dimapur nung July 7 nikongdang […]
Kohima, July 3 (TYO): 10-Northern Angami-I Assembly Constituency nung by-election magitsü atema Nagaland nung Congress-i okadak ‘stay order’ atema ken o benokogo. Representation of People Act, 1951 Arrla 151A nung ajemdaker, Congress-i July 29, 2017 nü by-election agitsü aliba atema ‘stay order’ agüjang ta okadak ken o benok. Iba osang ya tanü Nagaland Pradesh Congress […]
Dimapur, July 03 (TYO) : Dimapur nung Kevijau colony nung alir nübortem June 30, 2017 nü to lokti senden ka lia ‘Clean Election’ sentong takok ngua agitsü asoshi telemtetba agia liasü. Iba senden nung Kevijau mepu nung alirtem ajaki election timi agitsü asoshi tawa NBCC aser Political party-tem na tsüngda renemba tangatettep onüktem nung nungita […]
July 03, 2017 nü Mokokchung district kübok Kangtsüng yimdak CECS Director, Subonenba Longkumer-i Kangtsüng PHC nung Ambulance service tenzüktsüba noksa nung angur. Kangtsüng (Mokokchung), July 03 (TYO): Hombarnü Mokokchung district kübok Kangtsüng yimdak CECS Director, Subonenba Longkumer tongti-i PHC Kangtsüng nung Ambulance service tenzütsüogo, aser kasa sentong nung Tuli SMO, Dr. Imlinaro, aser Kangtsüng Village […]
Mokokchung, July 3 (TYO): Nüngtugu Ao kaketzülur aser taoba Ao Milen yimozülur Wb. T. Senka Ao-i züluba kaket ka tenüng agi “Teronem Taku” ta sür Hombarnü Ongpangkong Watsü Mungdang tir Wt. Talichula-i yangi OWM office nung meraketa sayatsüogo. T. Senka Ao asoshi tang adokba kaket ya zünga kaket ti (8) buba asütsü. Tang züluba ‘Teronem […]