Shingai mochitzüji tanang masü ta meshitettsü, saka mochitzü dang nungi tanangba Tsüngrem O ji lir: “Kü tebang dang Ne O koda tanang, mochitzü dang nungi ibai tanangba lir” (t. 103). Tsüngrem O ji ne tebang dang ninang mochitzü ama asü mozü ama lir ? Asenoki Laishibaji taneptsü mozü ama agitsü mapang ka lir. Saka Laishibaji […]
Ken atenba tanur tain ajaki anganer. Choiri atenba, teloki atenba ken, kati atenba ken, anati atenba ken, pezüi atenba ken, tetsür ola, tebur ola- ken tener telok balala aika lemsa atener. Saka Tenüngsang Ken 119:54 nung ken züluri ozüng atenba indang zülu: “Kü temeshi aeni aoba kidang ne telatet ozüngtem kü ken lir.” Ken züluri […]
Iba memerükba lima nung nai ne taküm koda merüka ayutsü ? Ken züluri tekong 9 nung iba tasüngdangba asüngdanger: ” Asangur nisungi pei lenmang koda merüka yutettsü? Ne o ama aji mita aliba agi.” Atangji iba O ya asangurtem atema dang masü. Kasaji aiür, tanur aser tain ajak asoshi lir. Asenok memerükba lima nung alir. […]
“Kibuba kü tsütsü lir: ni metsübutsü: nisungi kü dang kechi inyaktettsü” (t.6). “Tsüngrem asenok asoshi lira asenok anema shiba arutsü?” (Rom 8:31). Alima rangben Tsüngrem asenok tsütsü lir- Tebu, Techir aser Tanela Temeshi. Tetsübu mali shibai asenok anema arutsü, Pa asenok tsütsü lir. Ibai temulunglemtsü o lir. “Ni metsübutsü.” Ni tesüiba mapa meyipa reprangra Tsüngremi […]
Tenüngsang Ken 116 shibai zülu pa timtem tia kar ajanga aoba iba ken nung zülu. Shitakba nung pa tasür liasü. Saka Kibubai pai ayimtenba angashi aser kümzük, aser iba indang pai zülu, “Ni Kibuba meimer kechiaser Pai kü ola aser kü temepishiba angashia lir, kechiyong Pai kü dangi Pa tenarong shitsür, aji asünung kopika ni […]
Yimya agi tangar sensaksemba angaa alitsübaji yimya tajung masü, awashi memetetba lir saka T.Ken 110 nung asenoki aji inyaktsü akok ta ashir. Asenoki tebu Tsüngremi techir Tsüngrem den jembiba angashir. “Kibubai kü kibur dang ashi, na kü teka tachichilen menang, ni ne tsükchir ne tsüng ajemmetdak mekümdaktsür tashi” (t.1). Ibai Tasen Lai nung aiben amshiba […]
Item tekongtemi tzüyim nung yipru mopung aliba sayur. “Kechiyong Pai melar, aser yipru mopung adokdaktsür koba agi iba nungi tzüsem adokdaktsür. Parnok anüngi atur, tanaben parnok tzüyim taroki alur: timtemba yong parnok tanela yimsa aor. Külen-külen i parnok naizür, aser yi pur ama mangmanger, aser parnok kechi mesayangi lir” (t.25-27). Tzüyim yipru asenok taküm dangia […]
Asenoki Mosaji tanishir tulu aser ozüng yanglur tulu ka bilemer, atangji pa tulutiba rongnung ka liasü. Saka nai Mosaji temepishitsür tulu ka shisadangogo ma? Sarasademba taküm ka ta nai metetter ma? Pa sarasademba Laishiba nung aiben zülua lir. Kodang Israel nungeri Tsüngrem melen nashi chanu ka yanglur külemtsü tenzük, Tsüngremi parnok o bendangtsü renema liasü. […]
“Shibai Kibuba mapa tulu indang shitettsü, mesüra Pa nüngsang ajak shibai sangdongtettsü?” (t.2). Shibai atangji nung Kibuba tenüng asangtsü? Shirnoki Pa dang tashi angar parnoki sangtettsü. “Shirnoki ochiba benshir, shirnoki mapang ajak nung shitak inyaker, parnok temoatsü” (t.3). Asenoki Kibuba den jajara aser Pa dang tashi angara, idangji asenoki Pa tenüng sangtettsü aser Pa tesüngmangtsü […]
Item shisatsü balaka liasü. Tsüngremer shisa taka nisungji alima shisatsü nisung dang nungi balaka. Parnok nungi petinu samar külen, shisa kartemi tasen chuba indang kong soa lir tali asüngdangtsü mulungtet. Atangji parnok dang tasen Chubaji Yirusalem angutsü ta shir alitsü. “Yihuda nunger Chubaji kong soa lir,” ta asüngdanga parnok aru (Matt. 2:2). Yirusalem nung alir […]