Beirut, September 16 (Agencies): Syria sorkar aser sorkar anemer napronglai külemi lungjemer külen kiralongrar anema raratsü tajungshiba olen ka Syria Tir, Bashar al-Assad-i tanü Bodbar nü metetdaktsüogo. “Syria-i tang ajurua aliba kiralongrar den sentakba timtem magien tashibo Syria nung yimtenren ken o bentetbaren malitsü,” ta shia, Assad-i tanü külemi lungjemer kiralongrar anema raratsü tajungshiba olenji […]
Dimapur, September 16 (TYO) : September 16, 2015 nü IT&C, Transport & Civil Aviation Minister, Paiwang Konyak-i tang teyangludak IT&C directorate building Kohima semdang. Iba mapang Paiwang Konyak-i reprangdang aser contractor den department ketdangsertem den ajurutepa sensaksem. Software Technology Park lapoktsü atema November 2015 tashi nung ki mezüngbuba aser tanabuba menden renemdaktsünür, ta tanü Paiwang-i […]
New Delhi, September 16 (Agencies): Tang tasenba postal stamp omen nung ajemdaker taoba Ato kilonser ana- Rajiv Gandhi aser Indira Gandhi na indang stamp amshiba anentsü atema sorkari telemtetba agiogo. NDA sorkari ‘Builders of Modern India theme’ melenogo, iba nung ya Indira Gandhi aser Rajiv Gandhi na indang stamp densema liasü. Ajisüaka Jawaharlal Nehru, Mahatma […]
Shillong, September 16 (Agencies): Bodhbar nü Meghalaya Assembly tan mongpu mezüng anogo nung state MLA temi taoba Tir APJ Abdul Kalam nem akhüm agütsüogo. Asür Kalam ya taküm July 27 nü Shillong nung ajungbena asü. Kalam asüba mapang nung Chief Minister Mukul Sangma bo yimti nung maliasü, aser tanü asür nem akhüm agütsüba mapang pa […]
Bangkok, September 16 (Agencies): Thailand nung election sentong 2017 küm June ita jakdang agitsü sentong renemba osang ka tang Thailand indang yimsüsütsü tashi benoka aliba mitkar junta-i tanü Bodbar nü metetdaktsüogo. Taoba Thailand Ato Kilonser, Yingluck Shinawatra yimtsütsü menden nungi tashiyim agi anentsüba sülen yimsüsütsü tashi tashiyim agi benoker, mitkar junta-i nübur lenirtemi tentetba sorkar […]
Dimapur, September 16 (TYO) : September 16, 2015 nü Kohima police-i Peducha check gate nung garitem mita reprangdang truck gari ka nung ganja bena aliba apu. Truck gari (No. NL-07A-4359) nung ganja taseptsü 16 nung seret 3000 bena liasü aser national market ganja indang jenjangji sen lakh 15 shi alang liasü, ta Sub-Divisional Police Officer […]
September 16, 2015: 2 buba ‘Indian Idol Junior’ takok angur Bhubaneshwar yimti nungi Ananya Sritam Nanda-i Mongolbar nü Ato kilonser Narendra Modi ajuruogo, ta osang ka ajanga ashi. Iba dak sentakba nung lai, “Ni Narendra Modi ajuruogo ta ni mamangteter. Pai pela agizükba atema ni pa dang kanga pelar. Pa sentong aika nung kanga mazüngi […]
United Nations, September 16 (Agencies): Cuba Tir, Raul Castro-i United States (US) kübok New York yimti nung tan September ita amentsü ayongba United Nations General Assembly (UNGA) nung shilem agitsü sentong renemba osang ka UN-i tanü Bodbar nü metetdaktsüogo. Castro-i tan US semdangtsü sentong atongba ya pai Cuba lenisang menden benokba sülen tan mezüngsüa US […]
New Delhi, September 16 (Agencies): Mahatma Gandhi National Rural Employment Guarantee Scheme (MGNREGs) kübok aluyimer/aayangertem anogo 50 tali mapa inyaktsü atema Bodhbar nü Central sorkari agizükogo. New Delhi nung Union cabinet senden ka amenba mapang, tan mongpu nung tzünglu junga maruba ajanga takoksa ajurur aluyimertem tangbo MNREGS kübok anogo 150 nü mapa inyaktsü lemteta liasü. […]
New Delhi, September 16 (Agencies): Ato kilonser Narendra Modi-i ita shia agiba radio sentong ‘Mann ki baat’ menokdanger ta Bodhbar nü Election Commission (EC)-i metetdaktsüogo. Bihar nung assembly election agitsü mapang ana nung lia iba radio sentong ajanga election ‘model code of conduct’ anema inyaker, ta aija Congress-i iba anema takhangba agütsütsü ta osang angazükba […]