Tura, June 08 (Agencies): Centre-i nashi tepseta ayoktsüba nokdanga ozüng tasen ka yangluba anema Meghalaya nung Bodhbarnü BJP party züngsem parnok 5000 dak temai party toktsüogo. Party toktsürtem rongnung Tura city BJP youth wing tir Wilver Greham Danggo densema liasü. Pai ashiba agi, Centre nung BJP-i aniba National Democratic Alliance sorkari nashishi achiba lokti aser […]
Tawa Madhya Pradesh, Mandsaur nung police-i longkak aiter aluyimertem pongu khasetba anema Brihostibarnü, June 08, 2017 nü Mumbai nung Youth Congress nung inyakertemi longkak aita train nokdangba mapang police-i parnok apuba noksa nung angur. New Delhi, June 08 (Agencies): Tanü Madhya Pradesh, Neemuch nung police-i Congress tatong Tir, Rahul Gandhi puogo, ta osang ka ajanga […]
New Delhi, June 08 (Agencies): Yimtenren party ajaki amalitepa inyakba ajanga Goods & Services Tax (GST) Parliament nung agizüka takok ngutetba atema Brihostibarnü Union Finance Minister, Arun Jaitley-i party ajak dang pelaba osang lemsatepogo. Yimtenren party ajak nungi Tirtem dangi züluba shidi nung Jaitley-i, “Yimtenren party ajaki amalitepa inyakba ajanga Parliament nung 101buba Constitutional Amendment […]
New Delhi, June 08 (Agencies): Brihostibarnü Chief of Army Staff, General Bipin Rawat-i, linük temalen aser telunglen naprongla nungi amokmeren koktettsüsa Indian army kanga junga renema lir, ta metetdaktsü. Osangbener den jembidang General Bipin Rawat-i, “Indian Army-i ana ser tesadang longjemba (China, Pakistan aser internal security) anema raratsü renema lir,” ta ashi. Paisa, aika longjemba […]
Jammu, June 08 (Agencies): Taküm Jammu & Kashmir kübok Line of Control (LoC) nung telungpur 38 tepsetogo aser arrtsü alema aittsü merangba 22 ben nokdangtetogo, ta tanü Indian Army osang ka ajanga metetdaktsü. Kasa osang ajanga ashiba agi, tesüiba ghonda 48 tsüngda nunga Gurez, Machhil, Naugam aser Uri sectors nung arrtsü alema aittsü merangba nokdangtetogo, […]
New Delhi, June 7 (Agencies): July 24, 2017 nü India tir Pranab Mukherjee indang kümsük tembangtsü aser iba atema Bodbarnü Election Commission of India (ECI)-i July 17 nü tir election agitsü osang metetdaktsüogo. Tir election indang vote ji July 20 nü azüngtsü aser iba dak sendakba nung June 14 nü osang ka agütsütsü, ta Chief […]
Guwahati, June 7 (Agencies): Assam kübok Lakhimpur aser Karimganj district nung alir nisung lakh ka dak tali tzümetsüng agi kongshia kangshidar. Kasa mapang nung state nung ayong pezü lendong temaitsü agütsüba adena atur yimdar. Assam State Disaster Management Authority (ASDMA) ajanga ashiba agi, district ana nung nisung 1,01,809 tzümetsüng agi kongshir kangshidar aser yimtsüng 140 […]
Shillong, June 6 (Agencies): BSF puri East Khasi hills nung international aartsü anasa India nunger nashi chang shibelener ana nashi ana bener puogo. Nashi ya Alto gari ka nung bener lia apu. Shibelensang ana ya Sonwell (17 ) aser Jewellson Kharwan ( 18 ) ta jngjaogo. Tenaprongla ya Meghalaya nung alir. BSF puri Alto gari […]
Naharlagun, June 7 (Agencies): Tanep 4:30 shi nung Hatimatha, D Sector, Naharlagfun anasa NH-415 nung Scooty ka aser dumper ka ta tsüktepa nisung ka asü aser ka kanga mejungi yiru. Iba lendong nung scooty nung mena alir anaprongla kanga mejungi yirua lendong atalokba tesem anasa aliba mozüki ka bushia anir ao. Yirusang ana ya Hage […]
Itanagar, June 7 (Agencies): Chakma aser Hajong refugee tem nem lisopur jenjang agütsütsü asoshi Centre sorkari telemtetba agiba dak sendakba nung June 10 tashi nung iba dak sendaka aliba lokti ajak senden ka state sorkari mayongzükra mapang telatet ka makai longkak aittsü, ta All Arunachal Students’ Union (Aapsu)-i sorkar amokmeren. Kaketshir lokti-i May 27 nü […]