Aden, September 22 (Agencies): Yemen Tir, Abd-Rabbu Mansour Hadi-i tanü Mongolbar nü Aden yimti tonga aoba osang ka sorkar ketdangsertemi metetdaktsüogo. Par linük nung tensa kanga mejungi akümtsü tenzükba sülen Hadi-i par Yemen toktsür Saudi Arabia kübok Riyadh yimti nung taoba ita 6 tashi jenoka aliba sülen tan par Yemen-i tanaben shilanger lir. “Ozü lenisang, […]
September 22, 2015: Germany nungi tetsür ana Cyprus nung aliba Larnaca International tayimtsü anenba tesem nung joko ita ter ser pongu buba alir. Tena ya tetsü aser jala ta mulung melemi bilemer. Tena tayimtsü anenba tesem nung aliba gari anendak cement plaster nungsa mejanger. Lar linüki aotsü asoshi airport ajanga teyari agütsütsü merangogo saka tenati […]
Beijing, September 22 (Agencies): China Ato Kilonser, Li Keqiang-i British Chancellor of the Exchequer, George Osborne den Beijing yimti nung yashi Hombar nü ajurutepa senden ka amenba osang jangjaogo. “Li o Osborne nati yashi Beijing nung ayonga amenba 7 buba China-UK Economic & Financial Dialogue (EFD) senden tezülen ajurutepa jürila senden ka menogo,” ta China […]
Kathmandu, September 21 (Agencies): Nepal nung Linük Temzüng tasenba anema noktakertemi lungkak aitba mapa ulushiogo aser Hombarnü Sadbhavana Party nungi züngsem ka soseta süogo. Hombarnü Rautahat district kübok Garur chowk nung police-i injang kahdoktsüsa aküm aser Birgunj nung nisung ka kahset. Birgunj nung nisungtemi Linük Temzüng mi agi rongdoka lungkak aiter. Ano, Kailali district kübok […]
Melbourne, September 21 (Agencies): Australia Ato Kilonser tasenba, Malcolm Turnbull-i aniba Cabinet yimsüsürtemi yimtsütsü tenangzükba tanü Hombar nü agiogo. Mezüngbuba tetsür defence minister, Marise Payne densema tetsür yimsüsür 5 tashi tanü yimsüsütsü tenangzükba agiba osang jangjaogo. Australia Govenor-General, Peter Cosgrove-i tanü Canberra kübok Government House kilung nung arishi küm 60 tain Turnbull-i shimtetba Cabinet yimsüsürtem […]
Athens, September 21 (Agencies): Greece nung tentetba left-wing yimtenren telok, Syriza lenisang, Alexis Tsipras-i teloktep sorkar tasen tenteter par Greece linük tejakleni anitsü tenangzükba olen ka yashi Deobar nü metetdaktsüogo. Tsipras-i yimsüsütsü menden benoker ita 7 buba nung, taoba August ita Ato Kilonser menden toktsüba ajanga par linüki election agitsü mapang atongba jakdang anojungi election […]
Brussels, September 21 (Agencies): Germany Chancellor, Angela Merkel aser France Tir, Francois Hollande nati taruba October ita amentsü ayongba European Parliament senden nung külemi onük jembitsü renemogo. Strasbourg yimti nung taruba October ita 7 nü amentsü ayongba senden nung külemi onük jembibaji taoba mapang, 1989 küm jembiba sülenbo linük ana nungi leniri tan mezüngsüa külemi […]
Moscow, September 21 (Agencies): Israel Ato Kilonser, Benjamin Netanyahu-i tanü Hombar nü Moscow tonga oa Russia Tir, Vladimir Putin den ajurutepba osang jangjaogo. Russia-i Syria Tir, Bashar al-Assad pusemba Hezbollah telok nem tongpang nung amshitsü osettsüset agüja yariba den külemi, par mitkartem tsüngdong yoka Syria nung tongpang raradaktsüba den sentakba tebilemtsü khuret benoka jembitsü nükjidong […]
Kathmandu, September 20 (Agencies) : Küm 65 tejaklen nungi tang putu nung linük ka akümtsü asoshi mapa tenzükba sülen Deobarnü Nepal-i loktiyimten nung ajemdaker mezüngbuba yangluba linük temzüng agizüka sayaogo. Nepal nung alirtem longjemtsü atema yangluba linük temzüngji tir Ram Baran Yadav-i yimjak nung metetdaktsü. Ajisüaka taoba hopta ishika tsüngda iba mapa dak sendakba tatalokba […]
Ottawa, September 20 (Agencies): Deobar nü Canada Conservative sorkari, linük ka nungi ka nung oa alitsü tezülutepba tekaratiba nung tembanger külen, küm ka tsüngda Canada nung Syria nungi refugee 10,000 anioktsü, ta metetdaktsüogo. Iba tezülutepba renemer sülenbo Visa reprangertemi parnok United Nations (UN) ajanga melaba refugee-a ta metettsü asoshi tezülutepba asüngdangtsü kecha tenüngdaktsü madoktsü. Ajisüaka […]