Tanü putu nungbo alima nung angati angutsü kecha maka, ajak sen agi alitsüba dang, anungji sen maker asoshi alima nung alitsü kanga tasak kümogo. Aji oda, akhidangbo angati ayong tzü teka agi metemteta jema aliba to, tanü asüngbo ayong tzü tajem majung kümogo aser tzübo ajak kongadoker, anungji joko tzü dena alia ajemer. Ajisüaka, taküm […]
April 22 ya alima tetsü anogo (International Mother Earth Day) liasü. Alima nung asenok alir aser alimaiang asenok mesür, iba jagi alima (earth) dang ya oja ta ajar. Aji oda, alima ajunga nung ojalatem anogo (mothers’ day) amongtsü hopta asem lia alima nema oja ta jalokja “Alima Tetsü Anogo” amongtsüba ya kanga tapet aser tongtibang […]
Asenoki asenoksasa Naga nunger mesüra Aor taküm yimya aser jakla indang jembidang, tetia nümadangdanga, Naga nungerji aser talisa Aorji tongmelang, ochishir aser meranga inyakba kin aser nübortem ta jembir. Iba jenjangji kaketreju tuluka nungi doctorate anguba qualification dang nungibo kanga agia tuluba. Aji oda, alima nung shibaibo tongmelang, ochishir aser meranga inyakba nisung memeimtsü aser […]
Yaküm küm Covid-19 ajanga kaketshirtem kaketshidaki moutet online class agia arur, tang class 10 aser 12 purtem tatidang tagidak nung ano kasa Covid tashidak wara poktetba ajanga timtem aser takoksa aika ajurudagi. Central Board of Secondary Education (CBSE) purtemi agiba class 10 tatidangbo magi kümtsüogo (cancelled) aser class 12 pur tatidang khen atema thinena lir. […]
Tang ama anogo shia Covid-19 tashidak mesen nisung teimba teimba dak aliba puteta arudang, asenok kümdanga aliba den külemi tanü mapa tanü tema ayutsüla aser tamasa amato senzüsenpongtsü mesademi ka aküm nunga timtem majurutsüsa tang yongi renema ayutsüla. Asenok aikati tanü tema ayutsüba mapa ser nung asüng inyaktsü anünga ayur aser asüng anogoji komaka asütsüar […]
Prince Philip-i tejangraba tulu nung Britain linük tenzükogo, anungji pa asüba ya Queen Elizabeth II atema dang masü saka linük atema-a takoksa tulu. Duke of Edinburgh, Prince Philip arrshi küm 100 ajungtsü ita asem dang lia April 09, 2021 nü alima nungi pilaba sülen Queen aser tamarener kibongi dang masü saka linük nübur ajaki mangyimer, […]
Government mapa nung alirtem pei mapa inyaktsü lemzüktsüba tesem nung lia mapa inyakba ama, asenok aluyimertema akhi putu mapang ama yimtak dang ki o ki na tsüngda jara dang ittepba metsütepa melii, putu tasenba nung yabo asenoka pei ali kimong tasen bushia pei mapa inyakdak alitsüsa senshitsüla. Tang tashi asenok aika akhidang asen tsürabur yimkümertemi […]
Pei jembinütsü jembitsü yabo temela aser lokti nung tajungshi o jembitsü aser sayutsüngitsüa tasakbo masü saka nisung kati peii jembiba ama pei taküm aser mapa nung shitak lia oa sayutsübajibo mapa temela masü. Aji oda, kidang tsürabur kati peii jembiba ama tanurtem tsüngdang alitsü aser lokti aser yimten nunga lenir kati peii jembiba ama mapa […]
Asen kümtetdakba Yisu Khrista asenok meimchirtem menen asoshi kangki nung angenloktsü mapang anasa atalokbatem rongnung temenungratsü aser temulung ashitsü tatalokbatem rongnung kaji, Pa nütsüngtem den tangar ka kidang temaba takdang nung kümtettsü benjong chiyongba mapangji liasü. Iba aonung ya Yisui mapang tatsüka lir külen parnok dak ataloktsüba indang Par nütsüngtem dang indangindanga ashiba o tasak […]
Nagaland nung yi meyanglutsü aser mayoktsü ozüng zünga liaka, Nagaland nung yia yanglur aser tayoka talubo ayoker. Iba kuliji mapang mapang shia Assam Rifles purtemi yi yangludak tesem aser yi ayokertem apuba osang ajanga metetter. Atangji, machimajemtsü shibelenba mapatem mita nokdangtsü asoshi government-i Excise department nung inyakertem yua lir, ajisüaka aiben Excise purtem dang nungibo […]