Guwahati, September 18 (Agencies): Sensaker aser nüngdaka aliba purtem temang anepaluyim peria ngutettsü asoshi kija aser lokti ajak teka amteper inyaktsüla, ta Hokolbar nü Assam Chief Minister Tarun Gogoi-i ashi. “Tajemzük tia nung alirtem aser nüngdakba puri atutsüsa temang anepaluyim lenmang sadema lapoktsütsübaji tang rongdak lir. Anungji ibaji atema kija aser lokti ajak teka amteptsü […]
Guwahati, September 18 (Agencies): Indian Institute of Technology-Guwahati (IIT-G) nung final-year azünger ka Hokolbar nü parnok hostel anasa sür lia angu, ta police-i ashi. Institute tanükertemi iba tasümangji IIT-G indang Brahmaputra Hostel anasa anguba sülen yangji inyakertem dang shia parnoki police nem osang agütsü. “Tasümangji sensaa reprangtsü asoshi bener yokogo. Pa ya kari tepset asü […]
Varanasi, September 18 (Agencies): Ato kilonser Narendra Modi-i benokba sorkar mapatong ‘Jan Dhan Yojana’ dak sentakba nung Congress aija pai, “Küm 40 dak tema Bank nantionalize asüba sülen-a banking nung sensaker nem maongka magütsüi arurtemi (Congress) sorkar scheme koba ajanga mapang telatet ka nung sen crore 30,000 bener arutsüogo, iba osang asüngdanger,” ta ashi. Modi […]
Seoul, September 18 (Agencies): India nunger badminton asayar, Ajay Jayaram-i Japan nunger Sho Sasaki madak quarterfinal asaya akokba sülen tang tasayadak Korea Open Super Series badminton asayamong tebur singles shilem indang semifinal asayatsü jenjang tanü Hokolbar nü nguogo. Jayaram-i tanü ghonda 1 ser minute 5 nung points 21-19 16-21 21-16 ngua World No. 26, Sasaki […]
Pakistan mitkartemi Taliban tepungpurtemi yirutsüba külem mitkar züngsem ka Peshawar hospital tonga anir aoba noksa nung angur. (Islamabad, September 18) Islamabad, September 18 (Agencies): Taliban telungpur telok kati Pakistan northwest tsütsülen tentetba Air Force tesep amakba osang ka Pakistan miktar otongdar, Major-General Asim Bajaw-i tanü Hokolbar nü metetdaktsüogo. “Taliban telungpurtemi Peshawar yimti anasa tentetba Badhaber […]
Mumbai, September 18 (Agencies) : Bollywood actor Shahid Kapoor-i ashiba agi Alia Bhatt-i memetetba kecha mali aser la arishi küm 56 tain ka ama lir. “Alia Bhatt arishi küm 22 dang saka la arishi küm 65 tain ka dak aliba shisatsü keta lir. Anungji lai memetetba kecha mali. Lai ajak rajema lir aser iba jagi […]
Washington, September 18 (Agencies): United States (US)-i Cuba anema benokba rongsenren tenokdangba sentong agiena par linük tentetba shishilembartem nem Cuba den shishilembatsü temelaba tanü Hokolbar nü agütsüogo. Par linük ana tsüngda küm 50 dak tema tesendaktep mejungi lir külen US o Cuba nati tanaben sendaktepshitsü tenzükba sülen tan tenokdangba sentong agienba ajanga par linük ana […]
New Delhi, September 18 (Agencies): Gujarat tzüyimkümlen Pakistan Navy temi India nunger angopur rong ana nung injang kahloktsüba mapang India nunger angopur ka kahsetogo. Osang ajanaga angazükba agi, Pakistan Navy temi India nunger angopur rong- Premraj aser Ramraj na dak injang kahloktsü. Rong nungji angopur 5-6 shi mener September 8 nü Okha nungi apusoa liasü. […]
Paris, September 18 (Agencies): Tottenham Hotspur teloki yashi, Brehostibar nü Qarabag madak goal 3-1 agi takok ngua Europa League group stage asaya takokba nung asayatsü tenzükogo. Yashi asaya tenzüker minute 7 buba nung White Hart Lane-i penalty metsütsü maongka ngua goal ka agütsüba sülen par Qarabag telok jenjang tajungba kümdaktsü. Ajisüaka, South Korea nunger Son […]
Mecca, September 18 (Agencies): Alima tesem ajunga nungi Islam tamangba yimsü benshirtemi par sarasadem mapang agitsü asoshi Mecca semdanga Haj külem küjabaren taruba hopta agidang ozüng alema inyakertemi iba sentong nung timtem magütsütsü osang ka Saudi Arabia-i tanü Hokolbar nü metetdaktsüogo. Linük balala indang sübotsü asemba Islam tamangba yimsü benshir nisung noklang aikati tanüa Mecca […]