Egypt Tir, Abdel Fattach al-Sisi (Tiyongtsü)-i Cairo yimti nung par yimsüsürtem den senden ka tanü Honibar nü amenba noksa nung angur. Sisi-i par Oil Minister, Sherif Ismail dang hopta ka tsüngda nung cabinet tasenba tentettsü tuyuba osang jangjaogo. (Cairo, September 12) Cairo, September 12 (Agencies): Egypt Tir, Abdel Fattach al-Sisi-i par Oil Minister, Sherif Ismail […]
~ K. Imliyanger Jamir, Eralibill, Dimapur Sarasadem Aser Tanebtsü : Lenmang aisü nungi tanebtsü anguba asenoki lai ajanga angur. Yisui ashir, “ne tamang agi na anebogo.” “Nai amangba ama aji na asoshi inyaktsü” idangji tashitak anebadok. Yisui shiranger ajak anebtsü. O dang jembi nung togimra agi shirangba nisung anebadok. Teka agi nemeta sarasademba agi shirang […]
Bhubaneshwar, September 12 (Agencies): Congress tatong Tir Rahul Gandhi-i, Right to Information Act ajanga aibelen jangjar aser 2014 küm General election nung Congress-i tamakok anguba tongtibang kuli rongnung kaji, nüngdakba osettsüet aser chiyungtsü nung jenjang atuba ajanga liasü, ta ashi. “Aibelen kar liasü. Totzü tazü nung jenjang atuba densema nüngdakba osettsüset nung jenjang atuba ajanga […]
Shimla, September 12 (Agencies): Kalka-Shimla Unesco Heritage Track nung Parwanoo anasa train nung takdang ana tetsüng longteta train lenmang nungi tuguba lendong nung bendanger ana süogo, aser nisung ishika yiruogo. Solan district ketdangsertemi ashiba agi, iba lendong nung yirua alirtemji Max Hospital Mohali-i anir oa yaridagi. Osang ajanga angashiba agi, iba lendongji tanü nikongdang 1:20 […]
Havana, September 12 (Agencies): Alima ajunga nung Catholic tamangba yimsü benshir lenisang, Pope Francis-i par Cuba linük semdangba jakdang Cuba-i par tepuokdak puoka alir nisung 3,522 tashi chioktsü renemogo. Tan tepuokdak puoka alir chioktsü renemba ya densema, Cuba-i tan agi tasembenbuba tashi Pope-i par linük semdangba nüngtem nung par tepuokdak puoka alirtem chioker lir. “Pope […]
New Delhi, September 12 (Agencies): BJP-i yimsüsüba state tem nung shi ayokba nokdanga arudagi aser tanü shi nokdangba state pongububaji Haryana kümogo. ANI osang ajanga ashiba agi, September 11 nungi 18 nü tashi state nung shi mayoktsü atema Haryana sorkari sangdongogo. Paryushan benjung amungdang tamalen Gujarat, Maharashtra, Rajasthan aser Chhattisgarh state tem nunga shi ayokba […]
Washington, September 12 (Agencies): Israel Ato Kilonser, Benjamin Netanyahu-i United States (US) Tir, Barack Obama den ajuruteptsü nükjidong nung White House taküm November ita semdangtsü sentong renemogo. “Israel lenisang, Netanyahu-i ozü US semdangtsü anogoji tanü tashi lateta mali saka kasaji tekaraba mapang nung renemtsü asoshi maparen tenzüka lir,” ta White House Press Secretary, Josh Earnest-i […]
Mokokchung kübok Imkongmeren Sports Complex nung anogo 2 asoshi ayongba Throttle Thrust 2015 sentong nung shilem agirtem indang arok noksa ka yangi angur. (Mokokchung, September 12) Mokokchung, September 12 (TYO): Mokokchung küm 125 ajungba nüngtem nung ayongba Throttle Trust 2015 tetoktepba aser Auto Expo sentong Imkongmeren Sports Complex, Mokokchung nung takok ngua tembangogo. Tetoktepba ajunga […]
Kohima, September 12 (TYO): 10 buba Kohima District Volleyball Association (KDVA) Foundation Day anogomong tanü Honibar nü Garden Rhoda, Zana nung mongogo. “KDVA küm 10 tain akümba den külemi, KDVA-i kümshi volleyball asayamong ayonga Nagaland nung volleyball jenjang temalen ajungkettsüba atema pelaba lemsateper,” ta Teisobou Sekhose, DSO & Administrator, IG stadium, Kohima-i tanü sentong nung […]
Leander Paes aser Martina Hingis nati US Open 2015 mixed doubles takok marok amer agiba noksa nung angur. (New York, September 12) New York, September 12 (Agencies): India nunger Leander Paes aser Switzerland tsür Martina Hingis nati final asaya koka US Open 2015 mixed doubles shilem indang takok marok yashi Hokolbar nü agizükogo. Australian Open […]