Dimapur, November 19 (TYO): Nagaland Angh, P.B Acharya-i achaayangba kübok linük tesem balala nungi doctor 44 den Paramedical technician 23-i akümba telok kati November 26 nungi 30 nü tashi state nung district tenet- Dimapur, Kohima, Mokokchung, Mon, Peren, Phek aser Wokha nung angati medical camp katsütsü. Iba mapa tajung ya Indian National Fellowship Centre (INFC) […]
Itanagar, Guwahati/Agartala, November 19 (Agencies) : China arrtsülen aliba Arunachal Pradesh (AP) kübok Anjaw district, Hayuliang constituency nung Honibarnü secutiry kanga sashia lia by-election agidang nisung noklang nung shilem 72-i shilem agia liasü. Iba polling anepdang 7:00 nungi tenzük aser kecha timtem melii tenbangogo, ta Deputy Chief Electoral Officer D J Bhattacharjee-i ashi. Iba election […]
New Delhi, November 19 (Agencies) : Tang senpak 500 aser 1000 tejenba nokdangba atema asadangba ka nung nisung noklang nung shilem 51-i iba inyakyim junger ta ashir aser noklang nung shilem 24-i kangsa majung ta ashi. Tanüngba noklang nung shilem 25-i junger majung ka ta ashir. India kübok yimti 200 nungi nisung 9000 dak temai […]
Agartala, November 12 (Agencies): Honibarnü All India Kishan Sabha General Secretary, Hannan Mollah-i, Centre nung BJP-i aniba sorkar kübok linük nung anogoshia aluyimer 52 soseta asür, ta metetdaktsü. “Aluyimertem atema Centre sorkar mapatongji aluyimertem anemba lir. Kechiyong parnok nem support price magütsü. Iba ya election mapang BJP-i nangzükba lir. Narendra Modi Ato kilonser inyakba kübok […]
New Delhi, November 12 (Agencies): Sen 500 aser 1000 note agienba sülen zero-balance Jan Dhan account tem nung sen onsara bendenba atema Centre sorkari tenük yoker. Anogo ana tsüngda banking system nung kanga dang ajungbena sen crore lakh 2 shi aitba atema sorkari tenük yoktsü tenzük. Finance minister Arun Jaitley-i ashiba agi, ozüng amertemi tim […]
Mokokchung, November 12 (TYO): ‘Tetsü Oshi Koda Tongtibang’ onük nung ajemdaker otsünü zülu tetoktepba nung takoker aser 2016 Class 10 & 12 tatidang Ao subject nung tematiba jenjang angur nem senpet agütsüba sentong ka yangi Ongpangkong Salang Mokokchung nung liogo. Iba sentong ya Jemtimenba Mollier Trust (JMT)-i senotsü teyari agüja Ao Senden Literature Board-i achayanga […]
New Delhi, November 12 (Agencies): Union Finance Minister, Arun Jaitley-i nüburtem dang, bank-i aotsü atema maritepdaktsüner aser aremzüka atadaktsüner, ta mepishiogo. Paisa, sen melenba osang mesangdongdang yongi party kar nembo osang jelia metetdaktsür liasü ta jembiba osangji tiyazü, ta ashi. Jaitley-i, “Sen lakh crore 14 shi circulation südar. Sen melentsüji manger sangwadangbo metembangtsü, ta tamasayongi […]
Los Angeles, November 12, 2016 : Hollywood actor tejen Robert Redford tang tatemsa film ana nung shilem agiba sülen anisüngzüktsü. Par semchir Dylan den interview agiba mapang Redford-i otsü ashiba aser noksa yangluba mapaji kanga nüngdak ta ashi aser pa film nung shilem agiba nungi anisüngzüker film direct asüba aser noksa yangluba nunga temulung agütsütsü […]
Kohima, November 12 (TYO): Nagaland nung education degree holder tem National Education Day amungdang “Nagaland Education Association” ta ser telok tasen ka tentettsü telemtetba agi. Nagaland Education Association (NEA) ya education degree holders atema sabang ka asütsü aser educationist o educators taginübatem wazüka ayutsü. NEA ajanga shisaliok bushibaren nung ketdangsüa mapa inyaktsü, shisaliok jenjang tajungba […]
Chungtia nung asür Wb. T.Bendangjongshi Kichu nüngshilung azünger külen tongti tesemdanger T. Wangshi Jamir den pa meina arur medemertem aser Chungtia putu yimsüsürtem kar noksa nung angur. (Chungtia, November 12, 2016) Chungtia, November 12 (TYO): Asür Wb. T. Bendangjongshi Kichu nüngtem yangluba “Tako Marok Nüngshilung” ta sür ka Honibarnü Chungtia yimdak azüngogo. Iba nüngshilungji District […]