New Delhi, April 6 (Agencies) : Bollywood actor Sonu Sood-i Jaipur nung martial arts actor Jackie Chan indang kürakyanglu ka sayatsüogo. Hong Kong nungi martial artist nüngtugu actor Jackie tawa tu India nung ‘Kung Fu Yoga’ film yanglutsü atema arua amung. Shimo agi yangluba kürakyangluji India nunger ka aser China nunger sculptor kati yangluba lir […]
London, April 06 (Agencies): Britain nung alir semchir 4 tetsü, arishi küm 55 tain Glam Sharon Cutt-i In vitro fertilisation (IVF) teyari agia khen nung tanur 3 tashi asoba sülen Britain ajunga nung khen nung tanur 3 asor tetsü tantsütila kümogo. Sharon aser la tedong, Sharon den arishi küm 15 agi tanübo, Stuart Reynolds nati […]
Dimapur, April 6 (TYO) : April 7, 2016 nü Khar Senso Telongjem, Mangkolemba pur “Renemshidi” omen nung ajemdaker Hon Jubilee amungtsü. Iba benjung ya Senden Salang nung anepdang 11:00 ako nung agitsü aser tongti tesemdangerji DAN & NBRM Chairman, Dr. Longrineken asütsü. Iba benjung nung onük jembirji Sr. Advocate, Guwahati High court, Kohima Bench, Kohima […]
Hanoi, April 06 (Agencies): Vietnam madak küm 10 tashi yimsü asüba sülen Nguyen Tan Dung-i Vietnam Ato Kilonser menden tanü, Bodbar nü toktsüogo. Vietnam madak yimsüsütsü tashi benokba Communist Party (CP)-i Vietnam yimtiba, Hanoi nung taküm January ita agiba Congress senden nung National Assembly yimsüsür 462 nungi parnok 430-i par vote agüja Dung Ato Kilonser […]
Dimapur, April 6 (TYO) : April 5, 2016 nü PHQ conference hall Kohima nung National Vector Disease Control Programme (NVBDCP), Directorate of Health & Family Welfare aser Police Department tsüngda senden ka amen. Iba senden nung unit officers/representatives aser Directorate of Health & Family Welfare ketdangser aden. National Vector Disease Control Programme (NVBDCP), Directorate of […]
Mumbai April 6, 2016 : Bollywood actor tejen Rishi Kapoor-i Bihar state nung Nitish Kumar-i aniba sorkari yi meshi meshia shibangba aitsüogo. Joko Bihar-i maotsü, ta pai ashi. Bihar sorkar-i Mongulbarnü state nung joko yi khenyongi mayoktsü sangdong aser ibaji ajanga Gujarat, Manipur aser Nagaland state tem sülen Bihar-a linük nung yi mayoker state pezübuba […]
Ankara, April 06 (Agencies): Tawa Turkey nung lendong kanga sashia atalokdaktsür Islamic State (IS) kiralongrartem apur mesüra parnok aputsüsa osang tejangja agütsürtem nem senpet sen dollar sen million 14 agütsütsü asoshi Turkey sorkari sangdongogo. Turkey Interior Ministry-i tan tasenba küma yanglushiba sülen aputsü asoshi renemba IS kiralongrar tarensen nung tetsür 3 densema, kiralongrar tenüng 23 […]
Beijing, April 06 (Agencies): China-i tanaben bena arutetba research satellite ka anünglaki tanü, Bodbar nü takok ngua kaketa yokogo. Anünglak micro-gravity aser space life science den sentakba osangtsüsang aser tetendangbaren agitsü nükjidong nung China-i par SJ-10 satellite-ji anünglaki kaketa yoker lir. China northwest tsütsülen Gobi desert nung tentetba Jiuquan Satellite Lauch Centre nungi Long March […]
Yashi tashi Myanmar (Burma) lima ya asenok asoshi India sepaitem dang nungi jena oagi tatsüokdak tesem ka dang liasü, saka tanübo asenok rongsenren nunga tajangzük angudak asütsüsa alima tajung ka küma odagi. Ibaji yaküm küm November nung agiba election nung Aung San Suu Kyi-i aniba National League for Democracy (NLD) teloki takok tulu ngur külen […]
London, April 6 (Agencies) : X-Men movie tem rongnung movie tulutibaji ‘Deadpool’ lir aser iba ya alima nung sen timtiba aazükba R-rated movie jenjang yangluogo. Ryan Reynolds indang comic kaket nungi yangluba movie ajanga USD 742 million yokzük aser ibaji ‘The Matrix Reloaded’ dang nungi teimba lir, ta Digital Spy osang ajanga metetdaktsü. ‘Deadpool’ film […]