New Delhi, October 21 (Agencies): Mangatetep adoktsüsa tanü Union Minister of State for Home, Kiren Rijiju-i, taoba mapang Delhi Lt Governor-i North Delhi nungeri temzüng raksaba nung jangratem angur ta jembibaji shitak jembiogo, ta ashi. Osangbenertem den jembidang Rijiju-i, “Küm ishika tejaklen Delhi Lt Gov. kati jembiba o kuliser rongnung ni liasü. Pai, North India […]
Shillong, October 21 (Agencies) : Bodbarnü Shillong Advance Landing Ground anasa Indian Army indang tayimtsü tila ka tsüok. “Iba lendong nung Indian Army nungi jawan ana yiru. Tena ya Microlight aircraft ka nung Advanced Landing Ground training agidang lendong ajuru” ta Defence PRO-i metetdaktsü. “Shillong ALG anasa aliba tenem tila ka nung Microlight aircraft ji […]
New Delhi, October 20 (Agencies): Maoist dak sentakba rara tali tesashiba akümba ajanga Centre sorkari November 3 nü Moaist telungpurtemi kongshiba state tenet nungi chief minister tem senden ka ayongzükogo. Union Home Minister Rajnath Singh leniba nung agiba senden nungji state tenet- Chhattisgarh, Jharkhand, Bihar, Andhra Pradesh, Maharashtra, Odisha aser Telangana nung Left-wing extremism (LWE) […]
Kohima, October 20 (TYO) : Naga nunger kaketshirtemi tensa melenshiba den putepa tangatetba melentsüla aser tesüiba mapang onüktem nung ammeter malitsüla ta Nagaland Chief Minister TR Zeliang-i ayongzük. Naga Students’ Union Delhi nungi teshimtet telok ka den sensaksemdang Zeliang-i parnok dang lokti nung temelenshi bener asütsü merangang ta ayongzük. “Naga yimten tebilemtsü ya Naga nunger […]
New Delhi, October 20 (Agencies) : India sorkar aser Naga nunger yimten teloktemi parnok anema mapa inyakba atema NSCN-Reformation (NSCN-R) züngsem kari tanaben NSCN-Khaplang den adentsü telemtetba agiogo. Iba ya ajanga ‘Naga peace accord’ nung tetsükdaktsü bener arutsütsü amai bilemer. NSCN-R ya NSCN-K nungi balaka razüka orr tentetba telok lir aser parnok tongti ketdangser kati […]
Jorhat (Assam), October 20 (Agencies): Assam nung Maoists telungpurtem züngsem ajema akümba yong parnoki züngsem tasen shimoktsü sentong yangludar, talisa parnoki arishi küm 12-13 pur dak tenük yoker, ta security osang ka ajanga ashi. Maoists telungpurtemi süngolu nung aliba lisopur teloktem nungi züngsem anioktsü atema tang benjung mapang maongka agir, ta kasa osang ajanga ashi. […]
New Delhi, October 19 (Agencies): Tan hopta sodi anogotem aika külemi amshiba ajanga Banking sector sodi anogo aika angutsü, anungji ATM nung sen mazüngtetdang yongi sen agizüktsü purtemi tekaraba nung sen agizüktsü junger. Anogo pongunü atonga bank shibangtsü, kechiyong October 21 nü Durga Puja sodi, October 22 nü Dusshera sodi, October 23 nü Moharram sodi, […]
Washington, October 19 (Agencies): Al Qaeda network, Khorasan Group ta ajaba nung tongti lenir ka tawa anünglen nungi amakba mapang tepsetogo, ta Deobar aonung United States Department of Defense headquarters, Pentagon sangdong ajanga metetdaktsü. Khorasan Group tongti lenir, Mohsen Adballah Ibrahim al Charekh, shiba dang Sanafi Al Nasr ta-a ajar, pa October 15, 2015 nü […]
New Delhi, October 19 (Agencies): Tawa Jammu & Kashmir Independent MLA, Sheikh Abdul Rashid-i Srinagar nung nashi shi party ayongzüka akaba atema pa dak azük, aser tanüa New Delhi nung nisung kari pa dak shihai tanak shiloktsüogo. ‘Engineer Rashid’ ta ajasang MLA Rashid-i Delhi nung osangbenertem senden ka ayongzüka agiba sülen nisung kari pa dak […]
Islamabad, October 18 (Agencies): Indian intelligence agency RAW-i Pakistan Ato kilonser Nawaz Sharif tepsettsü meranger ta metetba sülen Pakistan-i Ato kilonser security tali akangshiogo, ta Deobar nü Pakistan osangkaket ka ajanga ashi. Research and Analysis Wing (RAW)-i Sharif tepsettsü amokmerena aliba osang nung ajemdaker Punjab Province Home Department-i security institution tem dang arr sangoktsüogo, ta […]