Srinagar, October 29 (Agencies): August 5 nü Udhampur nung BSF sepaitem indang bus ka amakba sentong asameyanger tongti, Lashkar-e-Taiba (LeT) telungpur commander, Abu Qasim Jammu & Kashmir nung kahsetogo, ta Brihostibar nü police-i metetdaktsü. “Tanep anepongi Kulgam district kübok Khandaypora yimtsüng nung security sepaitemi mendanger amakdang LeT Operational commander Abu Qasim tepsetogo,” ta police ketdangser […]
Patna (Bihar), Oct. 28, 2015: Bodhbar nü Bihar Assembly election shilem asembuba agidang Patna nung nüburtem vote agütsütsü atema tarensena noktaka aliba noksa nung angur. Patna, October 28 (Agencies): Bodhbar nü Bihar assembly election shilem asembuba nung constituency 50 nung nisung million tenet jungnüai vote agütsüogo. Chief Electoral Officer, Ajay V Nayak-i, tanü nisung 59 […]
Jammu, October 28 (Agencies): Nashi shi achiba onük nung linük nung mangatettep tulu adoka aliba mapang ka nung tanü PDP tongti, Mehbooba Mufti-i, India Temzüng ajanga nisung kati pei kidang jara telungtet pezü nung kechi chinüra achitsü temeten agüja lir, ta ashi. “India Temzüng nung, tangar melungjang meyirutsüi nisung kati pei kidang jara pezü tsüngda […]
Thiruvananthapuram (Kerala), October 28 (Agencies): Bodhbar nü Kerala Chief Minister Oommen Chandy-i, Delhi Police-i Delhi, Kerala House nung nashi shi agütsür asü masü’ar ta mita reprangbaji aibelena inyakogo, ta parnok sasa tai menangzükra Kerala sorkari parnok anema noktaktsü, ta shiogo. Cabinet senden ka amenba sülen osangbenertem den jembidang Chandy-i, Hombar nü Kerala House mita reprangba […]
Pune, October 28 (Agencies): Tesüiba ita ishika linük nung mepetmesü adokba anema Bodhbar nü tamalen Film and Television Institute of India (FTII) nung azünger nüngtugu asemi National Awards meyipa agütsütsü telemtetba agiogo. Maharashtra nungi Vikrant Pawar, Uttar Pradesh nungi Rakesh Shukla aser Goa nungi Prateek Vats nungeri parnoki agizükba award meyipa agütsütsü. Film and Television […]
New Delhi, October 27 (Agencies): Küm 15 tejaklen India tsür ka tenüng agi, Geeta memeteti arrtsü adener Pakistan-i aiba sülen yashi India tonga anir aruogo; Iba maparen nung Pakistan-i mapa tajung inyakba atema India sorkaria iba mapa tajungji meyipja Karachi nungi India telungi aiter alir arishi küm 15 asangur chanu, Mohammad Ramzan Pakistan-i meyipa yoktsü. […]
Patna, October 27 (Agencies): Tanü Bihar, Sitamarhi district nung election nüboyim senden ka nung jembidang Ato kilonser Narendra Modi-i, kanga junga shisadanger ang vote agütsütsüla, ta ashi. “Tarutsü atema shiba dak temelung alemtsüla, ibaji nenoki lemtettsüla. Tarütsü atema nai temelenshi kar nüngdaka lira, ibaji terenlok lir,” ta pai ashi. Opposition party tem aitsüba olen ka […]
New Delhi, October 27 (Agencies): Ato kilonser Narendra Modi-i temeim mapa atema inyaker Pakistan nunger nüngtugu Abdul Sattar Edhi nem pa indang charity Edhi Foundation atema sen crore ka agütsü, ajisüaka pai iba senji agizüktsü memulung. Edhi Foundation otongdar Anwar Kazmi-i, “Abdul Sattar Edhi-i Ato kilonser Modi dang pelaba lemsatepogo aser pai senotsü teyari agütsübaji […]
Chandigarh, October 27 (Agencies): October 31, 2015 nü Gurgaon nung Human Resource Development Union Minister, Smriti Irani lenisüba nung north India state tem atema new education policy tatem küma lemtettsü, ta tanü ketdangser sangdong ka ajanga metetdaktsü. “Iba senden nung shisaliok tasenba mapatong tatem küma lemtettsü,” ta tanü Jhajjar district nung Haryana minister, Ram Bilas […]
New Delhi, October 27 (Agencies): Asüng Bihar assembly election telemsa asembuba agitsü lia tanü AAP tongti lenir aser Delhi Chief Minister, Arvind Kejriwal-i Bihar nüburtem dang, tang teinyaktak Chief Minister Nitish Kumar tanaben tashii arutsü atema pa nem vote agüjang ta mepishiogo. “Ni Bihar adianu aser aianütsürtem dang Nitish Bihar chief minister akümtsü atema vote […]