New Delhi/London (Agencies): Alima nung University tajungtiba tarensen nung Massachusetts Institute of Technology maneni mezüngbuba jenjang nung lir aser alima nung University tajungtiba 100 tarensen nung Indian university bo kata maden. University tajungtiba tarensen ya tanü Mongolbar nü sayaa liasü. Quacquarelli Symonds’ (QS) tarensen ajanga sayuba agi, World University Rankings nung Indian university 14 densema […]
Patna, September 15 (Agencies): Patna nung Mongolbar nü Bihar chief minister Nitish Kumar-i sabang mashi ka nungi yimjak nung o tokteptsü atema BJP jazükogo. “Ni BJP toktsüba sülen terenlok nung atsüngzükogo aser Bihar nung arem yimsüsüba lir ta nisungtemi jembitsü ya fashion ka ama kümogo. Yimjak nung o tokteptsü atema ni item o jembirtem (BJP) […]
Raipur, September 15 (Agencies): Chattisgarh nung Maoists telungpurtemi timtem agüja aruba rongnung 2015 küm yasa tamajungtiba lir aser tang tashi nung iba state nung Maoists dak sentakba tatalokba 362 ta ashi lir. 2014 küm den medemdangra state nung taküm Maosits dak sentakba rara shilem 34 agi timba kümogo. Tesüiba ita 8 tsüngda Left Wing […]
Srinagar, September 15 (Agencies): Hombar nü lanur asem tasümang metoklashi alu ka nung anguba sülen lanurtem tepsetba anema Mongolbar nü Jammu & Kashmir, Baramulla district tesem aika nung lungkak aitertemi security sepaitem dak lung agi ona rara adoka liasü. Lungkak aitertem jagi Narbal, Pattan, Palhallan aser Sangrama nung aliba Srinagar-Muzaffarabad lenmang mokdangba mapang lung […]
September 15, 2015:Film yanglur Madhur Bhandarkar-i, “Pai yangluba ‘Fashion’ film nung tongti shilem agila, Priyanka Chopra-i India tenüng nung alima tesem balala sema shilem agiba asoshi kanga akümketa bilemtsüla,” ta ashi. “Asenoki Priyanka-i inyakba nung ulua bilemtsütsüla kechiba süra lai bendanglen project balala nung takok ngua inyaktetba ajanga India-a alima sabang nung jangjaa kümogo,” […]
New Delhi, September 14 (Agencies): October 12, 2015 nü nungi tenzüka Bihar assembly election agitsü aliba atema NDA teloktep nung aliba party tem tsüngda menden alemtsü asoshi anogo aika jembia aruba sülen tanü parnok tsüngda menden alemba osang sangdongogo. Assembly menden 243 nungi BJP-i menden 160 nung tokteptsü, Mahadalit lenir Jitan Ram Manjhi’er HAM(S) […]
New Delhi, September 14 (Agencies): Hombar nü linük Tir Pranab Mukherjee-i, akhi mapang linük terenlok aser tanü putu nung terenlok na tsüngda Hindi ya tesentaktep ka lir, ta ashiba den külemi kobi melii United Nations official language nung Hindi oshi ya züngoktsü imlar, ta ashi. ‘Hindi Divas’ anogomung nung sentong ka nung jembidang Pranab-i, […]
New Delhi, September 14 (Agencies): Mangatettep ken o adoktsüsa tanü Women & Child development minister Maneka Gandhi-i, teburtem shilem angatetdaktsütsü ya tasak aser kanga tebenja, kechiyong “rara ajunga ya teburtem nungi adoker,” ta ashi. Taküm July ita nung ministry-i tenzükba ‘#100Women’ mapatong dak sentakba nung Facebook ajanga tamshirtemi asüngdangba ka langzüdang Maneka-i, “Teburtem shilem […]
Hyderabad, September 14 (Agencies): Tanü Andhra Pradesh, east Godavari district nung truck tulu ka (lorry) lenmang nung meküpba lendong nung yangji mena alir tajemba agi nisung 16 süogo aser nisung aika yiruogo. Tanep yakta east Godavari district kübok Gandepalli nung iba truck ji meküpba mapang gari nungji alu nung aayanger 35 shi mena liasü, […]
Bongaigaon, September 14 (Agencies): Tanü All Koch Rajbongshi Students Union (AKRSU) züngsemtemi train lenmang mokdangba ajanga Assam nung train aika junga mesenzüteti liasü. Northeast Frontier (N-F) Railway otongdar kati, AKRSU aser parnok dak sentakba tentettemi mokdangba ajanga Delhi-i aoba Rajdhani Express train, Howrah-i aoba Kamrup Express, Bangalore Express train aser Guwahati-New Bongaigaon Dn Bohagi […]